"බින් අබ්ද් අල් තමීම් අල්කමා" හි සංශෝධන අතර වෙනස්කම්

13:26, 17 ජූලි 2024 වන විට නවතම සංශෝධනය

ක්‍රිස්තු වර්ෂයෙන් සවන සත්වන සියවස් අතර ජීවත් වූ අරාබි ජාතික කවියෙකි. ඔහු අතින් ලියැවුණු කාව්‍යයන්ගෙන් සමහරක ලක්මිද් සහ ඝස්නි රජුන් අතර ඇති වූ සටන් පිළිබඳ කරුණු විස්තර වේ. එබඳු සටනක දී අල් හාරිත් රජු විසින් සිරභාරයට ගන්නා ලද ස්වකීය සොහොයුරු ෂාස් සහ සගෝත්‍රිකයන් ද කසීදා නමින් හැඳින්වෙන කව් පන්තියක් කියැවීමෙන් සිරෙන් නිදහස් කර ගැනීමට ඔහු සමත් වී යයි සඳහන් වේ. සමකාලීන කවියන් හා ඔහු අතර නොයෙක් විට කව්තරඟ ඇති විය. වරක් ඉම්රු අල් කෑස් සහ අල්කමා අතර ඇති වූ තරඟයක දී වඩා දක්ෂයා කවරෙක්දැයි තීරණය කිරීම ඉම්රු අල් කෑස්ගේ භාර්යාව වූ ජුන්දාබ් වෙත පැවරුණේය. ඕ තොමෝ අල්කමා වඩා දක්ෂ බව ප්‍රකාශ කළාය. මෙයින් කෝපයට පත් ඉම්රු අල් කෑස් ඇයගෙන් දික්කසාද වූවාට පසු අල්කමා ඇය විවාහ කර ගත්තේය. මේ විවාහයෙන් පසු ඔහුගේ නමට අල්-ෆහ්ල් නමැති ගෝත්‍ර නාමය ද එකතු විය. අල් කමාගේ කාව්‍ය සංග්‍රහයන් ජර්මන් භාෂාවට පරිවර්තනය කර මුද්‍රණයට පමුණුවා තිබේ.

(සංස්කරණය: 1965)