"අවලේහ" හි සංශෝධන අතර වෙනස්කම්

10:13, 29 ජූලි 2024 වන විට නවතම සංශෝධනය

යම් යම් බෙහෙත් ද්‍රව්‍යයන් වියළා සිහින් ලෙස කපා චූර්ණ කොට ගෙන සීනි, මීපැණි, ගිතෙල් ආදිය මුසු කොටැ වැඩියෙන් ඝන හෝ ද්‍රව නොවන අයුරින් අඹරා ගනුයේ අවලේහයයි. මීට සාමාන්‍ය ව්‍යවහාරය ලේහය කියාය. සන්නිපාත ජ්වරයෙහි දිවේ අක්කාරම් නමැති කොරසැඩි මැලියම සැදුණ කල ඉඟුරු මිරිස් තිප්පිලි යන ත්‍රිකටුකයන් හා ඇඹුල් දොඩම් හෝ නස්නාරන් යුෂ යොදා අඹරා සාදනු ලබන ලේහය දිවෙහි ඇතිල්ලීමෙන් අක්කාරම් ගැළවී රෝගියාට පහසුව සැලසේ. මෙවැනි අවලේහ සමූහයක් ඇත්තේය. ආයුර්වේදයෙහි ච්‍යවනප්‍රාශාවලේහය ඉතා ප්‍රසිද්ධයි. ක්ෂය කාසාදි රෝගයන්හි යොදනු ලබන තවත් අවලේහ වර්ග රැසක් ආයුර්වේද චිකිත්සාවට අයත් වේ; වාසාවලේහ, වාසාහරීතක්‍යාවලේහ ආදියයි. ඒ ඒ අවස්ථාවට අනුකූල වන පරිද්දෙන් නියමිත අවලේහ දේශීය චිකිත්සාවෙහි ද බොහෝය.

මේ අවලේහයන් භාවිත කරනුයේ දිවෙහි අතුල්ලන බෙහෙතක් වශයෙන් නොව අනුභව කරන බෙහෙතක් වශයෙනි.

(සංස්කරණය: 1965)