"ටස් ගංගාව" හි සංශෝධන අතර වෙනස්කම්

10:03, 2 දෙසැම්බර් 2024 වන විට නවතම සංශෝධනය

(Taz river). බටහිර සයිබීරියාවේ ගංගාවකි. දිගින් කිමී. 1,401ක් වන මෙහි ගං ද්‍රෝණිය ව.කිමී. 150,000 පමණ වෙතැයි ඇස්තමේන්තු ගත කර ඇත. ටශොව්ස්කි (Tazovsky) නමැති ජනාකීර්ණ ප්‍රදේශයේ පිහිටි දිගින් කිමී. 250ක් වන ටශොව්ස්කයා ගියුබා (Tazovskaya Guba) නම් පුනිල මෝයට ගලා බසින ටස් ගංගාව ඔබ් මුහුදු බොක්කෙන් (Gulf of Ob) කෙළවර වේ.

ටස් ගංගාවට සම්බන්ධ වන ටුරුකාන් (Turukhan) හා යෙනිසේයි (Yenisei) ගංගා මගින් වරාය පිහිටි ප්‍රදේශය පෝෂණය වේ. දකුණු පසින් බල්ෂායා ෂිර්ටා (Bolshaya Shirta) හා වම්පසින් චාසෙල්කා (Chaselka) යන විශාල අතු ගංගා ටස් ගංගාවට එකතු වේ. ගං මෝයේ පහළ ප්‍රදේශය යමලෝ නෙනෙට්ස් ඔටෝනොමස් ඕක්රුග් (Yamalo-Nenets Autonomous Okrug) හා ඉහළ කොටස ක්‍රාසොයාර්ස්ක් ක්‍රායි (Krasoyarsk Krai) සමග සම්බන්ධ වේ.

(කර්තෘ: ජගති චමිලා ඉලේපෙරුම)

(සංස්කරණය: 2019)