"ආල්වාසේටෙ" හි සංශෝධන අතර වෙනස්කම්

15:08, 4 දෙසැම්බර් 2024 වන විට නවතම සංශෝධනය

(Albacete). අග්නිදිග ස්පාඤ්ඤයේ මුරිසියා ප්‍රදේශයේ පළාතකි. එහි අගනුවර ද මෙනමින් හැඳින්වේ. මේ පළාත කඳුකර ස්වභාවයක් උසුලතත් අල්ප වර්ෂාපතනය හේතු කොට ගෙන එහි වැවෙන්නේ මිටි තණය. සෙගුරා සහ හුකාර් යන ගංගා මේ ප්‍රදේශය ඔස්සේ ගලා යයි. තිරිඟු, බාර්ලි‚ ඕට්‚ යව සහ මධ්‍යධරණී පලතුරු වර්ග මෙහි ප්‍රධාන වැවිලිය. කහ ද මෙහි වවනු ලබන ප්‍රධාන වෙළෙඳ බෝගයකි. මෙහි ගව බැටළු ආදි සත්තු ඇති කරනු ලැබෙත්. ආල්මාන්සා සහ හෙල්ලින් සැලකිය යුතු නගර දෙකකි. වර්ග ප්‍රමාණය ව.සැ. 5,739කි. ජනගහනය (1960) 370,976කි.

මෙම පළාතේ පාලන මධ්‍යස්ථානය මෙන් ම වෙළෙඳ මධ්‍යස්ථානය ද වන ආල්වාසේටෙ නගරය පිහි වර්ග සෑදීම හා පිඟන් කර්මාන්තය අතින් ප්‍රසිද්ධියක් උසුලයි. මෙහි ගිනිපෙට්ටි කර්මාන්තය ද වයින් පෙරීම ද දියුණුය. නාගරික ජනගහනය (1961) 74,417කි.

(සංස්කරණය: 1965)