"අ'බියම්" හි සංශෝධන අතර වෙනස්කම්

13:17, 21 ජනවාරි 2025 වන විට නවතම සංශෝධනය

[(Erbium) සංකේතය Er.; පරමාණුක ක්‍රමාංකය 63; පරමාණුක භාරය 167.2] විරල පාංශු (Rare earths) කාණ්ඩයට අයත් මෙය ලෝහමය මූල ද්‍රව්‍යයකි. මොසැන්ඩර් විසින් 1843 දී පළමුවැනි වරට සොයාගන්නා ලද අ'බියම් බෙහෙවින් දක්නට ලැබෙන්නේ එයට නෑකම්පාන අනෙක් මූල ද්‍රව්‍යයන් සමඟය. එය ගැඩොලිනයිට් (FeBe2 Y2 Si2 O10), සෙනොටයිම් (YPO4), යුක්සෙනයිට් ආදි ඛනිජවල ඇත. රෝසපාටට හුරු ඔක්සයිඩයක් (Er2 O3) අ'බියම්වලට තිබේ. බොහෝ අම්ලවල හෙමින් ද්‍රවණය වන මෙය ඊට ම වෙසෙසින් ආවේණික වූ ලාක්ෂණික අවශෝෂණ වර්ණාවලියක් (absorption spectrum) (බ.) ඇති කරයි. (විරලපාංශු බ.)

(සංස්කරණය: 1965)