"ඉරුගල් බණ්ඩාර" හි සංශෝධන අතර වෙනස්කම්

15:16, 27 පෙබරවාරි 2025 තෙක් සංශෝධනය

බණ්ඩාර දෙවිවරුන් (බ.) අතුරින් ඉතා ප්‍රසිද්ධ දෙවියායි. මොහු පිළිබඳ ජනප්‍රවාද කිහිපයකි. ඒ සියලු ජනප්‍රවාද අනුව පෙනී යන එක් කරුණක් නම් මොහු පේරාදෙණිය අසල හන්තාන කඳු පාමුල මහවැලි ගඟබඩ පායින්ගමුව නම් ග්‍රාමයෙහි ප්‍රභු පවුලකට අයත්ව සිටි බවත් පායින්ගමුව වාසභූමි කොටගෙන පුද ලබන බවත්ය.

හියු නෙවිල් විසින් සංග්‍රහ කරන ලද සිංහල කවි" නම් කෘතියෙහි ඉරුගල් බණ්ඩාර ගැන දැක්වෙන එක් කව් පෙළක මොහු පායින්ගමුවේ ඉපිද එහි ම, වැඩි වශයෙන් ස්ත්‍රීන් යන එන ගඩොල් විහාරයක, වසන දෙවියකු ලෙස දක්වා ඇත. එම කවි සංග්‍රහයෙහි එන තවත් කව් පෙළකින් හන්තානේ වසන ඉරුගල් බණ්ඩාර යකුන්ට අධිපති බවත් ඉරුගල් දෙවිඳු නමින් ද හැඳින්වෙන ඔහු එක් විටක භික්ෂූන් දහසකට දන් දී මතු බුදු බව පැතූ බවත් කියැවේ. ඉරුගල් බණ්ඩාර කොහොඹාකංකාරි දේවසමාගමට අයත් තුන්වැන්නා වශයෙන් කොහොඹාකංකාරි උපතේ දක්වා ඇත. පඬුවස්දෙව් රජුගේ දිවි දොස් දුරු කිරීමට ලංකාවට ආ මල (මලය) රජු පායින්ගමුව නම් ග්‍රාමයෙහි ඉරුගල් අප්පුහාමි නම් වූ කුමරකුයකකු කොට හෙවත් අමරණීයත්වයට පමුණුවා දේවසමාගමෙහි පුද ලැබීමට වරම් දුන් බවය. තවත් තැනක සඳහන් වන්නේ මල (මලය) රජ ලංකාවට එන විට ඉරුගල් බණ්ඩාර දෙවි බවට පත් වී සිටි හෙයින් දේවසමාගමෙහි පුද ලැබීමට වරම් ලබා දුන් බවය.

කන්දේ බණ්ඩාර යනු ද ඔහුට තවත් නමක් සේ ඉරුගල් බණ්ඩාර කවි පෙළක දක්වා ඇත. කන්දට අධිපති හෙයින් කන්දේ බණ්ඩාර නම් වූ බව ද තුන් බෑ මල (මලය) රජුන් විසින් කන්දේ බණ්ඩාර යකකු කළ බව ද එහි සඳහන් වුව ද කොහොඹාකංකාරි දේවසමාගමෙහි පුද ලැබීමට වරම් ලැබූවන් අතර ඉරුගල් බණ්ඩාර මෙන් ම කන්දේ බණ්ඩාර ද සඳහන් වන හෙයින් මොවුන් වූකලී දෙදෙනෙකු මිස නම් දෙකකින් පෙනී සිටි එක් අයකු නොවිය හැකි බව පෙනේ. ඉරුගල් බණ්ඩාර හන්තානේ කන්දේ විසූ හෙයින් කන්දේ බණ්ඩාර යන අන්වර්ථ නාමයක් ඔහුට තිබෙන්නට ඇතැයි සැලකිය හැකි නමුත් කන්දේ බණ්ඩාර (බ.) නමින් වැඩියෙන් ප්‍රසිද්ධියට පත් වූයේ ඔහු නොවන බව පෙනේ. ගෝබර ඉරුගල් බණ්ඩාර යනු ඔහුට තවත් නමකි.

ඉරුගල් බණ්ඩාර තම කඩු සලකුණ හන්තාන කන්දේ කොටා ඇති අතර ඒ අවට ප්‍රදේශයේ සශ්‍රීකත්වය ඔහු නිසා ඇති වන බව ද ජනප්‍රවාදයෙහි සඳහන් වේ. ඉරුගල් බණ්ඩාරට කැප කළ දේවාල පායින්ගමුවේ හා හන්තානේ ඇතැයි ඔහු ගැන සඳහන් කළ කවි පෙළවල දැක්වෙන අතර අද පවා හන්තාන කඳු පාමුල පායින්ගමුව පෙදෙසේ ඉරුගල් බණ්ඩාර පිදීම් පවත්නේය. මල (මලය) රජුන් තිදෙනාගෙන් ලබාගත් අවසරය අනුව කටයුතු කරතැයි සලකන මොහු නොපිසන ලද අහර පුද ලබන බව කඩවර වීදි කව්වල සඳහන් වේ. (ඉරුගල් බෝධිය ද බ.)

(සංස්කරණය: 1965)

[[ප්‍රවර්ගය:]]

[[ප්‍රවර්ගය:]]