"ඉම්පෙටයිගෝ" හි සංශෝධන අතර වෙනස්කම්

10:05, 2 ජූනි 2025 වන විට නවතම සංශෝධනය

ඉම්පෙටයිගෝ හෙවත් ඉම්පෙටයිගෝ කොන්ටගියෝසා (impetigo contagiosa) නමින් හැඳින්වෙන්නේ උග්‍ර චර්ම රෝගයකි. චර්ම ප්‍රදාහය, ප්‍රසේවක (vesicles) හා පූයිකා (pustules) සෑදීම යනාදිය මේ රෝගයේ ලක්ෂණ වේ. මේවා පුපුරා කහපොතු සෑදී කැලැල් ඇති නොකර සුව වේ. රිෂ්ට (lesions) තනි තනිව හෝ කිහිපයක් එකට එක්ව හෝ ඇති වන්නට පුළුවන. වරක් පටන් ගත් විට මේ රිෂ්ට ශීඝ්‍ර ලෙස විකසනය වී වැඩි වේ. රෝගය ඇති කරන රෝග බීජය ස්ට්‍රෙප්ටොකොකුස් බැක්ටීරියාව හෝ ස්ටපිලොකොකුස් බැක්ටීරියාව හෝ වේ.

ඉම්පෙටයිගෝ රෝගය තදින් ම සංස්පර්ශකය (contagious). රෝගය සෑදී තිබෙන කෙනකු ආශ්‍රය කිරීමෙන් හෝ ස්පර්ශ කිරීමෙන් ද නිරෝගී චර්මයක් රෝගී චර්මයක් සමඟ ස්පර්ශ වීමෙන් ද රෝගය බෝ වන්නට පුළුවන. රෝගය වැඩි වශයෙන් ඇති වන්නේ මුහුණෙහිය. බෙල්ල, හිස, සම, අත්, ඉකිළි යනාදියෙහිත් එය ඇති වේ. ඉකිළිවල සෑදුණ විට රෝගය සුව කිරීම පහසු නොවේ.

ඉම්පෙටයිගෝ රෝගයට ප්‍රතිකාර කිරීම සඳහා පූයිකාවල පොතු සම්පූර්ණයෙන් ඉවත් කොට පූතිනාශක ආලේපයක් ගානු ලැබේ. සල්ෆොනමයිඩ් ආලේප යෙදීමෙන් දැන් මේ රෝගයට සාර්ථක ලෙස ප්‍රතිකාර කළ හැකිය.

(සංස්කරණය: 1970)