"ඉරබටු තරුව" හි සංශෝධන අතර වෙනස්කම්

10:20, 2 ජූනි 2025 වන විට නවතම සංශෝධනය

සිකුරු ග්‍රහයාට (තරුවට) ව්‍යවහාර වන නමකි. ඇතැම් ඍතුවල දී එය පහන් එළිය වැටෙන තුරුම පායා තිබෙන හෙයින් පහන් තරුව යයි ද ඇතැම් ඍතුවල දී ඉරබැස ගිය වහා ම අහසෙහි දර්ශනය වන හෙයින් ඉරබටු තරුව යයි ද ඊට ව්‍යවහාර වේ. සාහිත්‍ය ග්‍රන්ථයන්හි ඕෂධී තාරකා, දවහත් තරු යන නමිනුදු මේ තාරකාව දක්වා ඇත. සූර්‍ය්‍යයාට ඉතා දුරින් ගමන් කරන මේ ග්‍රහයාට ස්වකීය කක්ෂය වටේ වරක් යාමට දින 225ක් පමණ ගත වේ. මේ තරුව දීප්තිමත් සුදුපාටින් යුක්තය. පුරාතන ග්‍රීක මනුෂ්‍යයෝ මේ ග්‍රහයා සන්ධ්‍යා කාලයෙහි අහසේ බටහිර දෙස දර්ශනය වන විට හෙස්පෙරස් (Hesperus) නමින් ද උදය කාලයේ පායා තිබෙන විට පොස්පොරස් (Phosphorus) නමින් ද හැඳින්වූහ. සැඳෑ තරුව යනු ද මීට ම නමි (සිකුරු බලනු).

(සංස්කරණය: 1970)