"උච්චරශ්මි" හි සංශෝධන අතර වෙනස්කම්

12:29, 2 ජූලි 2025 වන විට නවතම සංශෝධනය

ග්‍රහයන්ගෙන් ලැබෙන ශුභාශුභ ඵල නිර්ණය කිරීම සඳහා ඒ ඒ ග්‍රහයන්ගේ උච්චරශ්මි ඉවහල් වේ. උච්චරශ්මි සාධනය මෙසේය. කවර ග්‍රහයකුගේ හෝ ස්ඵුටය ගෙන එයින් ඔහුගේ නීචරාශ්‍යංශකය අඩු කළ විට අන්තරය රාශි හයකට අධික නම් එය දොළසින් අඩු කළ යුතුයි. අන්තරය විනාඩිවලට පමුණුවා ඊට විනාඩි 1,800ක් එකතු කර 180න් බෙදූ විට ලැබෙන ඵලය ඒ ග්‍රහයාගේ උච්චරශ්මි ප්‍රමාණයයි.

පරාශර මතය මීට මඳක් වෙනස්ය. යම්කිසි ග්‍රහයකුගේ ස්ඵුටයෙන් ඔහුගේ නීචරාශ්‍යංශකය අඩු කළ විට අන්තරය රාශි හයකට අධික නම් එය දොළසින් අඩු කළ යුතුයි. අන්තරයට රාශියක් එකතු කර අංශක හා විනාඩි ගණන දෙගුණකර ගත් විට ඒ ග්‍රහයාගේ උච්චරශ්මි ප්‍රමාණය ලැබේ. මේ ක්‍රම දෙකින් ම ලැබෙන රශ්මි ප්‍රමාණය එක සමානය.

(සංස්කරණය: 1970)