"උච්‍චෛඃශ්‍රවස්" හි සංශෝධන අතර වෙනස්කම්

12:29, 2 ජූලි 2025 වන විට නවතම සංශෝධනය

ඉන්ද්‍රයාගේ අශ්වයාය. ක්ෂීරසමුද්‍රමථනයේ දී මේ අසු පහළ වූ බවත් ඉන්ද්‍ර ඔහු තමා සතු කරගත් බවත් පුරාණාදි ග්‍රන්ථවල දැක්වේ. උච්චෛඃශ්‍රවස් අමෘතය පානය කිරීමෙන් ජීවත් වන්නෙකි. හේ අශ්ව ජාතීන්ගේ රජු වශයෙන්ද සලකනු ලැබේ. ඔහුගේ හිස සුදු පැහැයෙන් යුක්තය. තීව්‍ර තපසක් රැකීමෙන් බ්‍රහ්මයාගෙන් වරයක් ලැබූ තාරක නම් බල සම්පන්න අසුරයකු වරක් මේ අසු අයිති කරගත් බව ශිව පුරාණයේ දැක්වේ. මහාභාරතයේ දැක්වෙන හැටියට සුය්‍යර්‍ දිව්‍යරාජයාගේ අශ්වයා ද උච්චෛඃශ්‍රවස් නමින් හැඳින්වේ. හේ සර්වාංග ධවලය. උත්පත්තිය ද ක්ෂීරසමුද්‍රමථනයෙන් වූ බව සඳහන් වේ. දික් වූ කන් ඇත්තේ නොහොත් ගැඔුරු හේෂාරව ඇත්තේ නුයි උච්චෛඃශ්‍රවස් නම් වේ.

(සංස්කරණය: 1970)