"ඇත්පලදා කව" හි සංශෝධන අතර වෙනස්කම්

08:32, 8 ජූලි 2025 වන විට නවතම සංශෝධනය

ජාතකට්ඨකථාවෙහි විංසති නිපාතයේ තෙළෙස්වැන්නට පැමිණියේ ‘හත්ථිපාල’ ජාතකයයි. එය වූ කලි අයෝඝර සමාගමය, මූගපක්ඛ සමාගමය ආදිය වැනි මහා තාපස පිරිසක් ගැන කියවෙන ප්‍රසිද්ධ ජාතක කථාවකි. හත්ථිපාලව හෙවත් ඇතුපල්ව උපන් බෝසතුන්ගේ චරිතය කථාශරීර කොට රචනා කළ කාව්‍යය ඇත්පලදා කව නමි. පද්‍ය 441කින් යුත් මෙය උඩපළාත පාහිංගමුවේ විජයසේකර නම් මැතිඳකුගේ අයදුමෙන් නන්දන නම් කවියකු විසින් ක්‍රි.ව. 1679 දී කරන ලද්දකි. ලක්දිව පැරණි බෙදීම හා දියතිලකපුරය ද වර්ණනා කෙරෙන එහි දියතිලකයෙහි රාජකේශර නම් නිරිඳකු ගැන ද සඳහන් වෙයි. දියතිලක නම් සඟුරන්කෙතය. රාජකේශර නම් දෙවැනි රාජසිංහ රජ යයි කියත්.

(සංස්කරණය: 1967)