"ඉල්මන්" හි සංශෝධන අතර වෙනස්කම්

09:15, 17 ජූලි 2025 වන විට නවතම සංශෝධනය

සෝවියට් රුසියාවේ නොව්ගොරොද් ප්‍රදේශයෙහි පිහිටි විලකි. සාමාන්‍ය විශාලත්වය ව.සැ. 570ක් පමණ වේ. ග්ලැසියර් ඛාදනය නිසා සෑදී ඇති මේ විල අවට පෙදෙස මොරේන ආදි ග්ලැසියර නිධිවලින් ගහනය. මෙහි සාමාන්‍ය ගැඹුර අඩි 17ක් පමණ වේ. එහෙත් සමහර තැන් අඩි 30ක් පමණ ගැඹුරය. ගංගාවන්හි ජලය අඩු කාලවල දී ව.සැ. 430කට වඩා විශාල නොවන මේ විල ගංදිය අධික කාලවල දී ව.සැ. 1400ක් පමණ විශාල වේ. ඉල්මන් විලට එක් වන ගංගා අතර ලොවාට්, පෝලා සහ මිස්ටා යන ගංගා ප්‍රධානය. විලෙහි ජලය උතුරට ගලන වෝල්ඛෆ් ගඟ ඔස්සේ ලඩෝගා විලට ගලා බසී. ශීත ඍතුවෙහි තුන් මසක් පමණ මෙහි දිය මිදී තිබේ. දිය නොමිදෙන කාලවල දී ඉල්මන් විලේ සිට වෝල්ඛෆ් ගඟ ඔස්සේ ලඩෝගා-ඔනිගා ඇල කරා යාත්‍රා කළ හැකිය. විලේ උතුරු කෙළවර පිහිටි නොව්ගොරොද් නගරය විලට පිවිසෙන ජලමාර්ග පාලනය කරන දොරටුවයි. ඉල්මන් විල මසුන්ගෙන් ගහන හෙයින් ඒ අවට වාසීහු ඉන් ආදායමක් ලබාගනිති. II වැනි ලෝක යුද්ධයේ දී ජර්මනිය ඉල්මන් විල අල්ලාගත් නමුත් 1944 ජනවාරියේ දී රුසියාව විසින් එය නැවතත් හිමි කරගන්නා ලදි.

(සංස්කරණය: 1970)