"ඉසිදාසී" හි සංශෝධන අතර වෙනස්කම්

10:07, 17 ජූලි 2025 වන විට නවතම සංශෝධනය

ඉසිදාසී උදේනි නුවර සිල්වත් ගුණවත් සිටු පවුලකට සිටි එක ම දියණියෝය. ඕතොමෝ විනීතය, ව්‍යක්තය, දක්ෂය, ගුණගරුකය. මව්පියන් විසින් සිටු පුත්‍රයකුට පාවා දෙනු ලැබූ ඉසිදාසී නැදිමයිලන්ගේ ද සැමියාගේ ද සියලු වැඩක් ම ආදරයෙන් සැලකිල්ලෙන් ඉටු කළාය. එහෙත් ඇගේ සැමියා ඇයට ප්‍රිය නොකෙළේය. එබැවින් විවාහ වී මසක් පිරෙන්නා හා ම ඇයට යළිත් සිය මව්පියන් ළඟට යන්නට සිදු විය. ඔවුහු ඇය දෙවන හිමියකුට පාවා දුන්හ. ඉසිදාසිය කෙරෙහි ඇගේ දෙවැනි සැමියාත් කැමති නොවීය. හේ ඇය බැහැර කෙළේය. පියා ඇගේ සැමියා ලෙස තුන්වන වර තෝරාගත්තේ යාචකයෙකි. ඔහු සමග ඈ වාසය කළේ අඩමසකි. ඉසිදාසිය ඔහුටත් එපා විය. එවිට ඉසිදාසියට ජීවිතය අමිහිරි විය. ඕතොමෝ වරක් සිය දිවි නසාගන්නට ද වරක් පැවිදි වන්නට ද සිතුවාය. ඒ අවස්ථාවේ දී ජිනදත්තා නම් සිල්වත් බහුශ්‍රැත ථෙරින්වහන්සේ ඈට හමු වූහ. පියා ද ඉසිදාසියට ජිනදත්තාවන් ළඟ පැවිදි වන්නට කීවේය. එවිට ඕතොමෝ ඉතා කැමැත්තෙන් පැවිදි වූවාය; පැවිදි වූ සත් දිනක් ඇතුළත රහත්ව තමා ස්වාමිපුරුෂයන්ට එපා වීමට හේතුව පෙර කළ කර්මයක විපාකයක් බව බෝධි නම් තෙරණියන්ට පළ කළාය.

(සංස්කරණය: 1970)