"ඉලීසියම්" හි සංශෝධන අතර වෙනස්කම්

11:50, 31 ජූලි 2025 වන විට නවතම සංශෝධනය

(Elysium). පුරාණ ග්‍රීක දේවකථාවන්හි එන පරිදි මෙනමින් හඳුන්වනු ලැබෙන්නේ මේ ලොව දැහැමි දිවියක් ගෙවූවන් සිය මිනිස් දිවියේ කෙළවර සදා සුව විඳි සුව කෙතකි. පුරාණතම ග්‍රීක කාව්‍යයන්හි එන සැටියට නම් ඉලීසියම දැහැමියන් මරණයෙන් මතු සුව විඳි තැනක් නොව සදා සුව විඳිනු සඳහා ඔවුන් පණ පිටින් කැඳවනු ලැබුණු සුව කෙතකි. හෝමර් මේ මංගල ක්ෂේත්‍රය ලෝකාන්තයෙහි වූ ඕකෙයානුස් නදී තීරයෙහි පිහිටියක් සේ දක්වමින් එහි පාලකයා වූයේ රඩමන්තුස් (බ.) යයි ද පවසයි. හෙසියොඩ්, පින්ඩාර් ආදි කිවීහු ඉලීසියමත් ධන්‍යද්වීපත් එකම සුවකෙත කොට දක්වති. ඔවුන්ගේ මතයට අනුව එහි රාජ්‍ය පාලකයා වූයේ ක්‍රොනුස් නමැති පූර්වදේවයායි. රඩමන්තුස්ට එහි ඇත්තේ අධිකරණ නායක පදවියයි. ඉන් මෑත භාගයෙහි විසූ කවීහු, වෙසෙසින් ම රෝම කවීහු, ඉලීසියම පාතාලයෙහි වූ සේ සලකති.

(සංස්කරණය: 1970)