"ඇනැක්සිමිනීස්" හි සංශෝධන අතර වෙනස්කම්

16:09, 22 අගෝස්තු 2025 වන විට නවතම සංශෝධනය

(Anaximenes). ග්‍රීක දාර්ශනිකයකු වූ මෙතෙම සුළු ආසියාවේ මිලේසියානු පරපුරේ තෙවැන්නාය. ඔහු ජීවත් වූ කාලය අවිනිශ්චිතය. එහෙත් ඇනැක්සිමැන්ඩර්ට පසුත් මිලේටස් පුරය පර්සියානුන් (ක්‍රි.පූ. 494) විනාශ කිරීමට පෙරත් යන මෙදෑතුර ඔහු විසූ බව නිසැකය.

මිලේසියානු පරපුරේ ප්‍රථම දෙදෙනා මෙන් මොහු ද සියලු දැයකට ම මුල් වන මූලධාතුවක් ඇතැයි විශ්වාස කළේය. මෙම මූලික ද්‍රව්‍යය වාතය යයි සිතූ මෙතෙම ආත්මය වාතය යයි ද අග්නිය විරලීභූත වාතය යයි ද ඝනීභූත වූ වාතය මුලින් ජලය බවටත් අනතුරුව තවදුරට ඝනීභූත වූ විට පඨවි බවටත් අවසානයේ දී පාෂාණ බවටත් හැරෙතැයි ද පැවසීය.

පෘථිවිය වට මේසයක හැඩය ගත්තකැයි ඔහු ඇදහීය. පෛතගොරස් ආදීන්ගේ කල්පනයන් කෙරෙහි ඇනැක්සිමිනීස් බෙහෙවින් බලපෑ බව පිළිගනු ලැබේ.

(සංස්කරණය: 1967)