"ඇන්ටිපේටර් I" හි සංශෝධන අතර වෙනස්කම්

15:40, 25 අගෝස්තු 2025 වන විට නවතම සංශෝධනය

(ක්‍රි.පූ. 398-319). මහා ඇලෙක්සැන්ඩර් රජුගෙන් පසු මැසිඩෝනියාවේ සම පාලකයකුව සිට පසුව එහි අසහාය පාලකයා බවට පැමිණි සේනාධිපතියෙකි.

දෙවැනි පිලිප් රජුගේ ද මහා ඇලෙක්සැන්ඩර් රජුගේ ද සේනාධිපතියකු හැටියට සේවය කළ මෙතෙම මහා ඇලෙක්සැන්ඩර් රජු පෙරදිග දිග්විජය සඳහා නික්ම යෑමට පෙර ඔහු විසින් මැසිඩෝනියාවේ ප්‍රතිරාජයා වශයෙන් පත්කරන ලදි. මේ ප්‍රතිරාජ පදවිය සම්බන්ධයෙන් ඇලෙක්සැන්ඩර්ගේ මව වූ ඔලිම්පියාස් විසින් ඇති කරන ලද අවුල බේරීම් වස් ක්රැටීරස් නමැත්තකු මැසිඩෝනියාවේ ප්‍රතිරාජයා වශයෙන් පත් කිරීමට අදහස් කොට ඇලෙක්සැන්ඩර් කටයුතු සංවිධානය කළ නමුත් ඇලෙක්සැන්ඩර් 323 දී මිය ගියෙන් ඇන්ටිපේටර් සහ ක්රැටීරස් සමපාලකයන් හැටියට මැසිඩෝනියාව පාලනය කළහ.

මේ කාලයේ දී ග්‍රීකයන් නිදහස ලබාගැනීම සඳහා ඇරඹූ ලේමියන් යුද්ධය නමින් ප්‍රකට කැරැල්ල ඇන්ටිපේටර් විසින් මැඩලන ලදි. ඉක්බිති සුළු ආසියාවේ යුමිනීස් සමඟ කරන ලද සටනකින් ක්රෑටීරස් මිය ගියෙන් ඇන්ටිපේටර් මැසිඩෝනියාවේ අසහාය පාලකයා විය. හෙතෙම ඇලෙක්සැන්ඩර්ගෙන් පසු අධිරාජ්‍යයේ තනි නායකයකු ඇති වීම වැළැක්වීම අරභයා බෙහෙවින් වෙහෙසුණේය.

(සංස්කරණය: 1967)