"ඇන්ඩ්‍රොමිඩා" හි සංශෝධන අතර වෙනස්කම්

13:26, 27 අගෝස්තු 2025 වන විට නවතම සංශෝධනය

ග්‍රීක පුරාකථා අනුව ඉතියෝපියාව පාලනය කළ කේෆියුස් රජුගේ සහ කැසියෝපියා බිසවගේ ද දුවය. තමා (ඇතැම් කථාවන්ට අනුව තම දියණිය) නීරයිඩ් නම් මුහුදු දෙව්දූනට වඩා රූපසම්පත්තියෙන් උසස් යයි කැසියෝපියා බිසව විසින් කරන ලද වහසි බිණීමක් නිසා කෝපයට පත් පොසෙයිඩොන් නම් මුහුදු දෙවියා ජලගැල්මකින් රට යට කර වැනසීමට මුහුදු රකුසකු යැවීය. ඇන්ඩ්‍රොමිඩා රකුසාට බිලි දීමෙන් විනා විපතින් මිදිය නොහැකි බව දැනගන්නට ලැබුණෙන් ඈ වෙරළේ පර්වතයක දම් වැලකින් බැඳ තබන ලදි. අහසින් යමින් හුන් පර්සියුස් ඇගේ රූප සෞන්දර්යයෙන් වශී වී රකුසා මරා ඇය මුදා විවාහ කර ගත්තේය.

ඇන්ඩ්‍රොමිඩාගේ මරණින් පසු ඇතීනී දෙව්දුව විසින් ඇය නභෝ ගර්භයෙහි තාරකා මණ්ඩලයක් බවට පත් කරන ලදැයි පැවසේ.

(සංස්කරණය: 1967)