"උඩුවක" හි සංශෝධන අතර වෙනස්කම්

09:25, 24 නොවැම්බර් 2025 වන විට නවතම සංශෝධනය

කෑගලු දිස්ත්‍රික්කයේ බෙලිගල් කෝරළයේ බටහිර කීරවැලි පත්තුවේ පිහිටි ගමකි. විශේෂ සැලැස්මකට අනුව නියම කරන ලද ලෙන් විහාරයක් මෙහි තිබේ. දිගින් අඩි 79ක් පමණ වූ මේ ලෙනට පියස්ස වී ඇත්තේ විශාල ගලක ඉදිරියට නෙරාගිය කොටසකි. මේ ලෙන් විහාරය ඇතුළේ දක්නට ලැබෙන සැරසිලිවලට අනුව එය මෑතක දී කරවූවක් ලෙස සැලකීමට ඉඩක් නැත. එහි මකර තොරණ යට ඉදිරියට නෙරා සිටින සේ නිමවන ලද නෙළුම්මල් හා අඟුටුමිටි රූපයන්ගෙන් අලංකාර කළ ආසනයක ඉදි කොට ඇති බුද්ධ ප්‍රතිමාව පැරණි යුගයකට අයත් බව පෙනේ.

උඩුවක නමින් හැඳින්වෙන ගම් කීපයක් ලංකාවේ වෙනත් ප්‍රදේශවල ඇත.

(සංස්කරණය: 1970)