"උනම්බුවේ මහ නිලමේ" හි සංශෝධන අතර වෙනස්කම්

11:36, 27 නොවැම්බර් 2025 වන විට නවතම සංශෝධනය

ශ්‍රී වික්‍රම රාජසිංහ රජු යටතේ කෙටි කාලයක් දෙවැනි අදිකාරම් ධුරය දැරූ නිලමේ කෙනෙකි. දෙවැනි අදිකාරම් ධුරයට පත් වීමට පෙර ඔහු උඩපළාත දිසාව හා දේවමැදි දිසාව වශයෙන් ද ක්‍රියා කොට තිබිණි. ඇහැළේපොළ නිලමේ මහ අදිකාරම් ධුරයට පත් වීමෙන් හිස් වූ දෙවැනි අදිකාරම් හෙවත් උඩගම්පහ අදිකාරම් පදවියට ක්‍රි.ව. 1812 දී තෝරා ගන්නා ලද්දේ මොහුය. ඒ වන විට හෙතෙම වයෝවෘද්ධව සිටියේය.

මහනුවර පත්තිරිප්පුව රජුගේ නියමය අනුව සාදවන ලද්දේ මොහු විසිනැයි ජනප්‍රවාදයෙහි එයි. මෙයින් සතුටට පත් වූ රජතුමා උනම්බුවේ නිලමේට රන් මාලයක් හා ඌවෙන් ගම්වරක් දුන්නේල. මහලු අදිකාරම් 1813 දී මිය ගියේ පත්තිරිප්පුව සෑදවීම සඳහා අධික ලෙස වෙහෙසීම කරණකොටගෙන පක්ෂාඝාත රෝගය වැලඳීමෙනැයි ද කියත්. ඔහුගේ ඇවෑමෙන් දෙවැනි අදිකාරම් ධුරයට මොල්ලිගොඩ නිලමේ පත් විය.

(සංස්කරණය: 1970)