"උපතිස්ස (ථෙර)" හි සංශෝධන අතර වෙනස්කම්

10:45, 8 දෙසැම්බර් 2025 වන විට නවතම සංශෝධනය

පාලි මහාබෝධිවංසය දාඨානාග නම් තෙර කෙනකුන්ගේ ආරාධනාවෙන් ‘උපතිස්ස’ හිමියන් විසින් ලියන ලද්දේ යැයි ඒ පොතට පදගත සන්නයක් ලෙසින් ලියා ඇති ‘මධුරාර්ථ ප්‍රකාශිනී’ නම් සන්නයෙන් වැලිවිට සරණංකර සංඝරාජ හිමියෝ කීහ. උපතිස්ස ථෙර නමින් මෙහි ලා අදහස් කරනු ලබන්නාහු එකී උපතිස්ස හිමියෝයි. උන්වහන්සේ හෙළු මහාබෝධිවංසය පාලියට නැඟීමෙන් මහාබෝධිවංසය කළ බව කියති. එහිමියන් පිළිබඳ වූ අන් කිසි තොරතුරක් පැරණි පොතපතක සඳහන් නොවන නමුදු උන්වහන්සේ සියලු සත් දත් තෙවළා දහම්හි නිපුණ ඇදුරු කෙනකුන් වූ බව ශ්‍රී ධර්මාරාම හිමියෝ සිය ධර්මප්‍රදීපිකා විඥාපනයෙහි පවසත්. දොළොස්වන සියවසේ අග කොටසෙහි විසූ ගුරුළුගෝමීන් ධර්මප්‍රදීපිකාව කෙළේ පාලි මහාබෝධිවංසයෙහි එන දුරවබෝධ පාඨයන්ට පරිකථා සැපයීම් වශයෙනි.

(සංස්කරණය: 1970)