"උපනාහ" හි සංශෝධන අතර වෙනස්කම්

12:22, 8 දෙසැම්බර් 2025 වන විට නවතම සංශෝධනය

වරක් උපන් කෝපය නොසන්හිඳුවා සිත්හි පුනපුනා බැඳ ගෙන සිටුනා බවට, එනම් බද්ධ වෛරයට, මේ නමෙකි. උපනාහය උපන් වෛරය නොහැරීම ලක්ෂණ කොට ඇත්තේය. වත්ථසූත්‍රයෙහි චිත්තෝපක්ලේශ (සිත කිලිටි කරන කරුණු) සොළොසෙක් දක්වන ලද්දේය. උපනාහය එයින් එකෙකි. බද්ධ වෛරයෙන් යුත් සිත කිලිටි වස්ත්‍රයක් සෙයින් නොබබළන්නේය.

අනුමාන සූත්‍රයෙහි දෝවචස්සකරණ (දුර්වචබව කරන) ධර්මයන් අතුරෙහි ද උපනාහය එයි. කිපෙනසුලු පුද්ගලයා, කෝපය හේතුකොටගෙන උපනාහය හෙවත් බද්ධ වෛරය ඇති පුද්ගලයා දුර්වචයෙකි. ඔහුට අවවාද අනුශාසනා කළ නොහැක්ක. උපනාහය ක්‍රෝධය සමග එක්ව පවත්නා ධර්මයකි. වත්ථ සූත්‍ර, අනුමාන සූත්‍ර දෙක්හි ම උපනාහයෙන් සිත පිරිසිදු කරගැනීමට උපදේශ දක්වන ලද්දේය.

(සංස්කරණය: 1970)