"උපමාලංකාරය" හි සංශෝධන අතර වෙනස්කම්

15:46, 8 දෙසැම්බර් 2025 වන විට නවතම සංශෝධනය

අහිංසකයන් ලෙස පෙනී සිටිමින් අහිංසකයන් සමඟ හාදව ඔවුන් විපතට හෙළා සිය අභිමතය සාධාගන්නා මිනිසුන් සමාජයෙහි සිටින බව සලකවාලීමට කවියෙන් එළවූ උපමා කථාවක් ඇතුළත් පොතකි. සොරාකෑම නිසා බැට දී පොල්කටු මාලයක් කර බැඳ ගෙහිමියන් විසින් පන්නා දැමීමෙන් වල්වැදුණු බැළලියක් බොරු සිල්වත්කමක් අඟවා මීයකු ද ලෙහෙනකු ද සාවකු ද යහළු කොටගෙන මාලය කප්පාගෙන උන් තුන්දෙන ම මරා කා දැමුවා යයි කථාවෙන් කියැවෙන්නේය. කථාශරීරය විහිදුවා අලංකාර කොට දක්වන බැවින් ග්‍රන්ථයට උපමාලංකාරය යන නම දී ඇත. වෘත්ත කීපයක කව් 276කින් නිම වන කථාව සර්ග වශයෙන් සතකට බෙදා තිබේ. මෙය ඩබ්ලිව්.ඇෆ්. ගුණවර්ධන මුදලිඳුන් විසින් තරුණ වියෙහි දී රචනය කරන ලද්දකි.

(සංස්කරණය: 1970)