"අක්සාකොෆ්, සිර්ගෙයි තිම‍ෆෙයවිව් (1791-1759)" හි සංශෝධන අතර වෙනස්කම්

15:11, 10 ජූලි 2023 වන විට නවතම සංශෝධනය

රුසියන් ලේඛකයෙකි. ඔරෙන්බර්ග්හි පිහිටි උෆා නම් ස්ථානයේ උපන් මොහු කසාන් විශ්වවිද්‍යාලයෙහි ඉගෙනීම ලැබ 1808 දී සෙන්ට් පීටර්ස්බර්ග්හි සිවිල් සේවයට බැඳුණේය. අනතුරුව කළ කෘෂිකර්ම ව්‍යාපාරයෙන් වැඩි ඵල ප්‍රයෝජන නොලත් ඔහු ස්ලාවොෆිලිස්ම් නම් ජාතික ව්‍යාපාරයේ මූලිකයෙක් විය. 1832 දී ඔහුට සුප්‍රසිද්ධ රුසියානු ග්‍රන්ථ කර්තෘ ගොගොල් හමු විය. ගොගොල්ගේ ආභාසයෙන් තෙමේ ම සාහිත්‍ය නිර්මාණයෙහි නිරත විය. ඔහුගේ ග්‍රන්ථවලින් රුසියන් ගැමි ජීවිතය නිරූපණය වේ. ස්වභාවධර්මය ද දක්ෂ ලෙස ඔහු නිරූපණය කරයි. නවකතාවේ විකාශය අතින් ද ඔහුගේ ග්‍රන්ථ වැදගත් ලෙස ගණිනු ලැබේ. නොකඩවා කථාව කියාගෙන යෑමේ ශක්තියෙන් අක්සාකොෆ් යුද්ධය හා සාමය" ලියූ ලියෝ ටෝල්ස්ටෝයිට වඩා දියුණු යයි ඇතැම් අය අදහස් කරති. රුසියන් පවුලක සටහන්", රුසියන් පාසල් ශිෂ්‍යයකුගේ ජීවිත කථාව", ළමා කාලය" යනු ඔහුගේ ග්‍රන්ථවලින් සමහරකි. ගොගොල් පිළිබඳ මතක සටහන්" නමැති ඔහුගේ ග්‍රන්ථය එම උසස් ලේඛකයා සම්බන්ධයෙන් ඇති ඉතා ම වැදගත් සමකාලීන ග්‍රන්ථය ලෙස සැලකේ.

(සංස්කරණය:1963)