"දෙහිගස්පේ ශ්‍රී පඤ්ඤසාර නාහිමි" හි සංශෝධන අතර වෙනස්කම්

15:12, 1 මාර්තු 2024 වන විට නවතම සංශෝධනය

ශ්‍රී ලංකා විද්‍යෝදය විශ්වවිද්‍යාලයේ පූර්‍වදිග භාෂා අංශයේ විනෙති පදවිය දරමින් සිටිය දී 1966 ජූලි මස ... වෙනි දින අපවත් වූ ආචාර්ය පණ්ඩිත දෙහිගස්පේ ශ්‍රී පඤ්ඤසාර නා හිමි ශ්‍රේෂඨ උගතෙකි. ග්‍රන්ථ කර්තෘවරයෙකි. සමාජ සේවකයෙකි. සංඝනායකවරයෙකි. ආචාර්යතුමෙකි.

1899 නොවැම්බර් 23 වෙනිදා මාතර දිස්ත්‍රික්කයේ දෙහිගස්පේ නම් ගමේ උපන්හ. දොන් බස්තියන් ජයතිස්ස පොලිස් ඔපිසර රාළහාමි සහ එම මැතිණිය දෙමව්පියෝ ය. එම ගම අසල වූ මොතෝදිස්ත පාසලෙන් මූලික අධ්‍යාපනය ලත් මෙතුමෝ 1913 ජූනි මාසයේ දී පැවිදි වූහ. ගොඩපිටියේ ශ්‍රී ශෝභිත හිමි සහ දෙහිපේ ආනන්ද හිමි ප්‍රව්‍රජ්‍යාචාර්යවරයෝ වූහ. 1920 දී මල්වතු මහා විහාරයේ දී උපසම්පදාව ලදහ. 1916 දී විද්‍යෝදය පිරිවෙනට ඇතුළුව (අධ්‍යාපනය ලබා 'සංඝ රාජ ත්‍යාගය' ද දිනා ගත්තේ ය.) ප්‍රාචීන භාෂොපකාර සමිතියේ විභාගයන්ගෙන් ගෞරව සහිතව සමත් වී පණ්ඩිතොපාධිය ද දිනා ගත්තෝ ය. 1925 දී විද්‍යෝදය පිරිවෙණේ ආචාර්ය පදවියක් ලදහ. අනගාරික ධර්මපාලතුමන් සකස් කළ විදේශීය ධර්ම දූත සේවයේ යුරෝපීය අංශයේ කටයුතු කළහ. ලන්ඩන් විශ්වවිද්‍යාලයෙන් බී.ඒ. උපාධිය සහ ලංකා විශ්වවිද්‍යාලයෙන් පීඑච්.ඩී. උපාධිය ද ලැබූහ. බුද්ධ ජයන්ති කාලයේ බුරුමයේ පවත්වනු ලැබූ 'ඡටඨ' ධර්ම සංගායනා වට 1955 දී ලංකාවෙන් ගිය නියොජිත පිරිසේ නායකත්වය දැරූයේ උන්වහන්සේ ය. 'ශ්‍රී රත්නසාර ව්‍යාකරණය', 'සංඝ කෘති සාහිත්‍යය', 'සිංහල රත්නාවලිය', 'දම්පියා අටුවා සන්නය', 'එළු අත්තනගලු වංශය', 'රඝු වංශ සන්නය, 'සංඝකෘත ශබ්ද ශාස්ත්‍රය', 'ධර්ම ශාස්ත්‍රිය ලිපි', 'බුද්ධ ධර්මය', 'මහා වග්ගපාලිය', 'රූප සිද්ධි සන්නය' ආදී ග්‍රන්ථ රාශියක් ද ලියන ලදහ.

(කර්තෘ: හපුගොඩ සුමනතිස්ස ස්ථවිර:)

(සංස්කරණය නොකළ)