"අක්මොලින්ස්ක්" හි සංශෝධන අතර වෙනස්කම්

10:41, 30 මැයි 2023 වන විට නවතම සංශෝධනය

මෙය කසාඛිස්තාන් සෝවියට් සමූහාණ්ඩුවේ පළාතකි. මෙහි අගනුවර ද මේ නමින් හැඳින්වේ. අක්මොලින්ස්ක් නගරය ඉෂිම් ගංඉවුරෙහි, පෙට්‍රොපව්ලෝෆ්ස්ක්බාල්කාෂ් සහ දකුණු සයිබීරියානු දුම්රිය මාර්ග සන්ධි වන ස්ථානයෙහි ටාෂ්කෙන්ට්හි සිට උතුර බලා යන තවලම් මාර්ගයෙහි ගොවි යන්ත්‍ර නිෂ්පාදනය, ධාන්‍ය පිටි කිරීම සහ දැව කර්මාන්තය කරනු ලැබේ. ජනගහනය 1959 දී 1,01,000ක් පමණ විය.

අඩි 1,500කට වඩා උසින් පිහිටා ඇති අක්මොලින්ස්ක් පළාත වියළි මහාද්වීපික දේශගුණයකින් යුක්තය. සාමාන්‍ය උෂ්ණත්වය ජනවාරි මාසයේ දී පැ. 1.50 කි. ජූලි මාසයේ දී පැ. 700 ක් පමණ වේ. මෙහි සාමාන්‍ය වර්ෂාපතනය අඟල් 8-16 කි. ටෙංගීස් විලෙන් පිටවන ජල මාර්ග නොමැති හෙයින් එහි ජලය ඉතා ලුණු සහිතය. මේ පළාත රන්, තඹ හා ගල් අඟුරු යන ඛනිජ ද්‍රව්‍ය අතින් පොහොසත්ය. ස්පාස්කි තඹ ආකරය පිහිටා ඇත්තේ ද මෙහිය. අක්මොලින්ස්ක් පළාතේ අග්නිදිග් භාගය අර්ධ කාන්තාරයකි. මේ පළාතේ දකුණු භාගයෙහි වැසියෝ කිර්ගිස් ජාතික එ‍ඬේරුය. උතුරු භාගයෙන් වැඩි හරියක් ම තිරිඟු සහ බාර්ලි වවන රුසියානු ගොවිජනයාගෙන් යුක්තය. වර්ග සැතැපුම් 56,648ක් විශාල වූ මෙහි ජනගහනය (1959) 5,20,000කි. (සංස්කරණය:1963)