"අජපල් නුගරුක" හි සංශෝධන අතර වෙනස්කම්

12:13, 1 ජූනි 2023 වන විට නවතම සංශෝධනය

බෝසතාණන්වහන්සේට සුජාත සිටු දියණියන් විසින් කිරිපිඬු පිළිගන්වන ලද්දේ මේ නුගරුක සමීපයෙහි දීය. බුද්ධත්වයට පැමිණි පස්වැනි සතියෙහි බුදුරජාණන්වහන්සේ නැවතත් අජපල් නුගරුක මුල වැඩහිඳ සමවත්සුව වුන්හ. සත්සති ගෙවා රාජායතනයෙන් නික්ම නැවතත් එහි වැඩ හුන්හ. පස්වන සතියේ මාරදූන්ගේ පැමිණීම වූයේත් මෙතැන්හි දීය. සහම්පති මහා බ්‍රහ්මයා පැමිණ බුදුරජාණන්වහන්සේට ධර්ම දේශනා කිරීමට ආරාධනා කෙළේ ද මෙහි දීය. වරක් හුහුඬක ජාතික බ්‍රාහ්මණයා ද තවත් වරක් වෘද්ධ බ්‍රාහ්මණ පිරිසක් ද බුදුරදුන් හමුවන්නට ගියේත් බුදුන් සතර සතිපට්ඨානය පිළිබඳව විස්තර වන බ්‍රහ්ම, මග්ග යන සූත්‍ර, පඤ්චේන්ද්‍රියයන් පිළිබඳ වූ බ්‍රහ්මා සූත්‍රය හා චතුර්විධ ථෙරකරණ ධර්‍මයන් දේශනා කරන ලද්දේත් මෙහි දීය.

අජපල්ලන් සෙවණ සොයා මේ රුක යටට පැමිණෙන නිසා හෝ වේදපඨනය කළ නොහැකි බමුණන් මෙය රක්ෂාවරණයක් කරගත් බැවින් හෝ මධ්‍යාහ්න සමයෙහි එළුවන් සෙවණ සොයා මෙහි පැමිණෙන නිසා හෝ අජපල් යන නම ඇති වීයයි කියති. බෝසතුන්ගේ සාවුරුදු දුෂ්කරක්‍රියා සමයෙහි එ‍‍ඬේර ළමයකු විසින් මේ වෘක්ෂය රෝපණය කරන ලදැයි මහායානික බෞද්ධයෝ ප්‍රකාශ කරති. අජපාල නම් බ්‍රාහ්මණයා එතැන දී කළ යාගය නිසා අජපල් නම් වීයයි පූජාවලියෙහි සඳහන් වේ.

(සංස්කරණය:1963)