"අත්ථදස්සී - 3" හි සංශෝධන අතර වෙනස්කම්

12:10, 5 ජූනි 2023 වන විට නවතම සංශෝධනය

දඹදෙණි යුගයෙහි දී පඤ්චමූල පරිවේණාධිපතිව වැඩ විසූ මුන්වහන්සේ විසින් භේසජ්ජමඤ්ජූසා නම් පාලි භාෂාමය වෛද්‍ය ග්‍රන්ථය කරන ලදැයි කියති.

භේසජ්ජමඤ්ජුසාව කරන ලද්දේ දඹදෙණියේ දෙවැනි පරාක්‍රමබාහු රජතුමාගේ කාලයෙහිය. මේ ග්‍රන්ථයෙහි කර්තෘ අවිනිශ්චිත යැයි ඇතැම් වියත්තු පළ කරති. එහෙත් 14 වැනි සියවසෙහි අවසාන භාගයෙහි දී රචනා කරන ලද යෝග රත්නාකර නම් සිංහල වෛද්‍ය ග්‍රන්ථ පරිසමාප්ති ගාථාවෙක එය ක්‍රි. ව. 1267 පමණේ දී අත්ථදස්සී තෙරුන් විසින් රචිත මඤ්ජුසා නම් පාලි ග්‍රන්ථයේ සැලැස්ම අනුව කරන ලදැයි සඳහන් වේ. මේ සඳහන නිවැරැදි නම් භේසජ්ජමඤ්ජූසාව අත්ථදස්සී හිමියන් විසින් කරන ලදැයි නිසැකව ම පිළිගත හැකි බව මලලසේකර මහතා කියයි.

පගාන්හි, ක්‍රි. ව. 1442 දී කරන ලද බුරුම ශිලා ලිපියෙක ද, භේසජ්ජමඤ්ජූසාව ගැන සඳහන් වේ. අත්ථදස්සී හිමියෝ මේ ග්‍රන්ථය සඳහා ටීකාවක් ද රචනා කළහ. සිඛවළ‍ඳෙහි පාලි පරිවර්තනය හෙවත් සික්ඛාපදවළඤ්ජනිය ද මුන්වහන්සේ විසින් කරන ලද්දකි.

(සංස්කරණය:1963)