"සිමේරියන්වරු" හි සංශෝධන අතර වෙනස්කම්

09:18, 18 ජනවාරි 2024 වන විට නවතම සංශෝධනය

(Cimmerian or Cimmerii). කළු මුහුදේ උතුරු ප්‍රදේශයේ පිහිටි අර්ධද්වීපයක් වන සිමේරියාවෙහි (Cimmeria) ජීවත් වූයේ යැයි සැළකෙන සිමේරියන් නොහොත් සිමේරි (Cimmerian or Cimmerii) නමින් හැඳින්වෙන මොවුහු පැරණි ඉන්දු-යුරෝපීය ජනතාවකි. සිමේරියාවෙහි නිශ්චිත පිහිටීම ඓතිහාසික විවාදයට ලක්වන විෂයකි.

මොවුන් සිංහලෙන් හඳුන්වන තැන 'කිමේරි' යනු ව්‍යවහාර කරනු යෙදේ. මෙහි ලා Cimmerii යනු ලතින් වචන වචනයක් වන බැවින් එහි නියම ලතින් උච්චාරණය ‘කිම්මෙරිඉ’ යනුවෙන් වන අතර ‘සිමේරියන්’ යනු වර්තමාන ඉංග්‍රීසි උච්චාරණය වේ. සමකාලීන අසිරියානුවනු ඔවුන් හඳුන්වන තැන කණ්ඨජයක් ම ව්‍යවහාර කිරීමෙන් ලතින් ශබ්දයේ ද ‘Ci’ යන වග සනාථ වේ.

සිමේරියන්වරුන් දකුණු රුසියාවේ මුල් පදිංචිකරුවන් ලෙස ඇතැමෙක් සලකති. හෝමර් සිය ඔඩිසි (Odyssey, xi. 12-19) නමැති ග්‍රන්ථයෙහි ප්‍රථමයෙන් හඳුන්වා දෙන මොවුහු යුරෝපයේ ඈත උතුරේ හෝ බටහිර ප්‍රදේශයේ පැරණි ජනතාවක් වූ සදාකාලික අන්ධකාරයේ ජීවත් වන පිරිසක් වශයෙන් සැලකෙත්. ඇසිරියානු (Assyrian) සහ උරාටියානු (Urartian) ශිලාලේඛනවල ද සිමේරියන්වරුන් ගැන සඳහන් වේ.

මොවුහු දකුණු දිග රුසියාවේ විසූ මුල් පදිංචිකාරයන් වර්ගයෙකැයි ද සයිට්වරුන් විසින් සුළු ආසියාවට පලවා කරනු ලැබ එහි ශතවර්ෂයක් කල් විසූවැයි ද හෙරෝඩෝටස් ලියු සිතියාව පිළිබඳ ග්‍රන්ථයෙහි දැක්වේ. ක්‍රි.පූ. 7 වැනි ශතවර්ෂයෙහි දී උතුරු ප්‍රදේශයෙන් ආ ඇතැම් සංචාරක ජාතියක් විසින් සුළු ආසියාව විනාශ කරන ලද බවට නම් සාක්ෂි තිබේ. මෙම ජාතීන් අතුරෙන් එකක් කිමේරි වූ බව ද ඔවුන් කෝකස් කඳු පෙදෙසින් ආ බවද ඇසිරියෙන් ලේඛනයන්ගෙන් හෙළි වේ.

දැනට ශේෂ ව ඇති පුද්ගල නාම කිහිපයක් අනුව නිශ්චය කරහොත් මොවුහු අයිරේනියෙන් භාෂාවක් කතා කළහ’යි කිව හැකි ය. ජුට්ලන්තයේ විසූ කිම්බ්‍රිවරුන් හා කිමේරවරුන් එකම වර්ගයකැයි සමහරුන් අදහස් කරන නමුත් මෙය නිවැරදි අදහසක් බව නිශ්චය කිරීමට අවශ්‍ය සාධක නොමැත. සුළු ආසියාවේ ප්‍රධාන ජාතිය වශයෙන් වරක් සිටි මොවුහු ඇතැම් ග්‍රීක් පෞර රාජ්‍යයන් ද ආක්‍රමණය කළහයි කියති. පොන්ටුස්හි ආදි ම මයිලීසියන් ජනපද ද ඔවුන් විසින් විනාශ කරන ලදැයි කියනු ලැබේ. හැසිරියෙන් හා ලිසියෙන් හමුදාව එකතුව ඔවුහු සුළු ආසියාවෙන් නෙරපා හරින ලදහ. පසුව ඔවුහු සයිතියන්වරුන් විසින් ක්‍රිමියා හා තමන් අර්ධද්වීප යන සමාන දෙකෙහි දී පරාජයට පත් කරන ලදහ. සිමේරියන් බොස්පොරස් නමින් හැඳින්වෙන්නේ මෙම ගොඩබිම් දෙක අතර වූ සමුද්‍ර සන්ධියයි.

සිමේරියන්වරුන් Cimmerians පිළිබඳ ව දැක්වෙන බොහෝ දේ පැරණි ග්‍රන්ථ සහ පුරාවිද්‍යාත්මක සොයාගැනීම්වලින් පැමිණේ. ඔවුන් බොහෝ විට හඳුනා ගෙන ඇත්තේ ඇසිරියානුවන් ඇතුළු අසල්වැසි ශිෂ්ටාචාර සමඟ ගැටුම්වල නිරත වූ සංචාරක ජනතාවක් ලෙස ය.

රොබට් ඊ. හොවාර්ඩ්ගේ කෘතිවල, විශේෂයෙන් කොනන් ද බාබේරියන් (Conan the Barbarian) කතාවල සිමීරියන්ස් නම් ප්‍රබන්ධ ජාතියක් ඇති බව සඳහන් කර තිබේ. හොවාර්ඩ්ගේ කථාවල සිමීරියාව ‘කොනන්ගේ නිජබිම’ ලෙස නිරූපණය කෙරේ.

පසුකාලීන ලේඛකයින් ඔවුන්ව ජුට්ලන්ඩ්හි සිම්බ්‍රි වශයෙන් හඳුනාගෙන ඇත. ඔවුන් බොහෝ විට ටියුටෝනයිස් කෙල්ට්වරුන් විය හැකි ය. නමුත් මෙය නමේ සමානකම නිසා හුදු අනුමානයක් පමණක් බව ඇතැමෙකුගේ අදහසයි.

(කර්තෘ: එච්.ඇල්. සෙනෙවිරත්න: 1963; පණ්ඩුල ඇඳගම: 1969; ශ්‍රී චාල්ස් ද සිල්වා: 1969)

(සංස්කරණය නොකළ)