එඩුවාර්ඩ් මැනේ
පැරිසිස් වැදගත් ප්‍රභූ පවුලක උපන් මැනෙට් බෙහෙවින් සැපවත් ජීවිතයක් ගත කළා පමණක් නොව විවේක දේශසංචාරයෙහි යෙදීමේ භාග්‍යය ද ලැබුවේ ය. එහෙත් කුඩා මැනෙට් චිත්‍ර ශිල්පය විනා අන් කිසිවක් කෙරෙහි සැලකිල්ලක් නොදැක්වී ය. එය ඔහුගේ දෙමාපියන්ගේ ඉහමත් වේදනාවට කරුණක් විය.
රෝලිස් විද්‍යාලයේ ඉගෙනීම ලැබූ මැනෙට් රියෝ ද ජැනෙයිරෝවට යවන ලදි. එහි දී ඔහු චිත්‍රශිල්පය කෙරෙහි වඩ වඩා බැඳී ගිය ඔහු බ්‍රසීලයට පමණක් ගොස් ආ පසු හැරී ආවේ ය. ඒ අතර (1851) ඔහු තෝමා කුතුයූගේ (Thomas Couture) කලාගාරයෙහි චිත්‍ර ශිල්පය හදාළේ ය. ඉතාලියේ, ජර්මනියේ හා ඕලන්දයේ නගරවල ගොස් චිත්‍ර පර්යේෂණ කරමින් මැනේ එහිලා නිපුණතාවක් ලබා ගත්තේ ය. වෙලාඩිකෙෂ්ගේ හා ගොයාගේ චිත්‍ර ශෛලිය අනුකරණය කළ ඔහු ජීවිතයේ සැබෑ තොරතුරු එලෙසින් ම චිත්‍රයට නැගී ය. ඔහුගේ චිත්‍රවල සරලබව, පැහැදිළි වර්‍ණ බෙහෙවින් කැපී පෙනේ. සාවුරුද්දක් අධ්‍යයන චාරිකාවල යෙදී සිටි මැනේ 1861 පටන් ස්වකීය චිත්‍ර මහජනයා ඉදිරියේ ප්රදර්ශනය කරන්නට විය. ඔහු විසින් ඉදිරිපත් කළ The Absinthe Drinker සහ The Luncheon on the Grass (Le déjeuner sur l'herbe)) යන චිත්‍ර Paris Salon ආයතනය විසින් ප්‍රතික්ෂේප කළ බැවින් ඒවා ‘ප්‍රතික්ෂිප්ත චිත්‍ර’ වශයෙන් Salon des Refusésහි දී ප්රදර්ශනය කරන ලදි. විවේචකයන් සහ මහජනතාව ද ඔහුගේ චිත්‍ර පිළිකුල් කළ නමුත් චිත්‍රශිල්පීන් සහ ලේඛක පිරිසක් විසින් මැනේගේ චිත්‍රවල දකින්නට ඇති අසමාන ශෛලිය ඉතා උසස් යයි වර්‍ණනා කරන ලදි. 1864 දී .ඔයැ ්එ එයැ ඔදමරඑ. සහ ඊ්මඑසටයඑ යන චිත්‍ර සැලන්හි ප්රදර්ශනය විය. 1865 දී ප්රදර්ශනය කළ ඔහුගේ Olympia නම් සුප්‍රකට චිත්‍රය බොහෝදෙනාගේ දෝෂ දර්ශනයට භාජනය වූයෙකි. 1869 දී ඔහුගේ තමාගේ පෞද්ගලික චිත්‍ර ප්‍රදර්ශනයක් පැවැත්වී ය. ... නිෂ්පාදක ශෛලිය ගරු කළ මැනට් තරුණ චිත්‍රශිල්පීන්ට බෙහෙවින් අනුබල දුන්නේ ය. 1883 දී ගරුසම්මාන ලැබුව ද මිය ගියේ අසාර්ථක වූ චිත්‍රශිල්පියකු වශයෙනි. මැනට්ගේ චිත්‍ර විවේචකයන්ගේ සැලකිල්ලට භාජන වූයේ ඔහුගේ මරණයෙන් පසුවය.
ඔහුගේ කෘතීන් අතර A Bar at the Folies-Bergère, The Dead Toreador, The Execution of Emperor Maximilian, Young Girl In The Garden At Giverny, The Balcony ආදී චිත්‍ර ප්‍රසිද්ධ ය.
(කර්තෘ: අඥාතයි)
(සංස්කරණය නොකළ)
