ඉබ්බාගල

කුරුණෑගල නගරයට අයත් ප්‍රදේශයෙහි ඈත සිට බලන්නකුට විශාල ඉදිබුවකුගේ හැඩහුරුකමින් පෙනෙන පර්වතයක් වෙයි. ඉබ්බාගල නමින් හැඳින්වෙනුයේ මේ පර්වතයයි. එහි ගල් ලෙනක් තුළ ඉදි කරවන ලද ප්‍රතිමා ගෘහය සහිත විහාරය හේතුකොටගෙන මේ ස්ථානය ප්‍රසිද්ධියට පැමිණියේය. මෙහි පැරණි ලෙන් විහාරයක් ද " වැටකේ පොකුණ යයි හැඳින්වෙන පැරණි පොකුණක් ද වෙනත් ගොඩනැඟිලිවල නෂ්ටාවශේෂ ද දක්නට ඇත. මේ විහාරය කවර කලෙක ගොඩ නඟන ලද දැයි දැක්වීමට ඓතිහාසික සාක්ෂ්‍ය නැත. මෑත දී ගොඩනඟන ලද සංඝාරාම, ධර්මශාලා ආදියෙන් විහාරස්ථානය සකස්ව ඇත්තේය.