ඉබ්න් ඛුර්දාද් බෙහ්

(820–912). ක්‍රිස්තු නවවන ශතවර්ෂයෙහි විසූ පර්සියානු ජාතික සුප්‍රසිද්ධ භූගෝලශාස්ත්‍රඥයෙකි. ඔහු යුදෙව් වෙළඳුන්ගේ ගමන් මාර්ග ගැන ලියන ලද ග්‍රන්ථයෙහි ස්පාඤ්ඤය, ඉතාලිය යන රටවල සිට මිසරය, ඉන්දියාව හා චීනය කරා ඔවුන්ගේ ගමන සිදු වූ ගොඩබිම හා මුහුදු මාර්ග සම්බන්ධයෙන් විස්තර කර ඇත. ඉන්දියාව, ලංකාව, නැගෙනහිර ඉන්දියා කොදෙව්, චීනය යන රටවල් පිළිබඳ භූමි විස්තරයක් ද ඔහු විසින් ලියන ලදි. ලංකාව පිළිබඳ ඔහුගේ විස්තරයෙහි සමනළ කන්ද ගැන ද මෙහි උපදින මුතු මැණික් හා පොල් ගැන ද තොරතුරු ඇතුළත් වේ.