උල්වැරණිය

තණ පඳුරු අතරේ වැවෙන, හැඩහුරුකමින් වැරණියා කොළවලටත් ප්‍රමාණයෙන් කහ කීකිරිඳිය කොළවලටත් සමාන කොළ ඇති කුඩා පැළෑටි වර්ගයකි. ලක්දිව වෛද්‍යවරයන් විසින් මෙය නොයෙක් රෝගාබාධයන්ට ප්‍රතිකාර වශයෙන් යොදනු ලැබේ. ඇස ඇතුළේ සිදුවන තුවාළවලට හා තැළීම්වලට ද ඇසේ කටු ඇනුණු විට ද කුණු රොඩු ආදිය වැටුණු විට ද උල්වැරණිය කොළ අමුකහ සමග කොටා යුෂ මැඩ ඇසට හෙළීමෙන් සුව වේ. කැඩුම් බිඳුම්වලට මෙන් ම සර්පවිෂට ද මෙම ඖෂධ විශේෂය වෙනත් ඖෂධ වර්ග සමග යොදනු ලැබේ.

(සංස්කරණය: 1974)