ෆිලිබට් එමැනුවෙල්
(1528-1580). අග්නිදිග ප්රංශයේත් වයඹදිග ඉතාලියේත් කොටස්වලින් සැදි පැරණි සැවොයි ප්රදේශය ශුද්ධරෝම අධිරාජ්යයේ ඈපා පෙදෙසක්ව පැවති සමයේ 1553 සිට 1580 දක්වා ඈපා පදවිය ඉසුලුයේ මෙකුමරාය.
සිය පියාගේ කාලයේ දී ප්රංසයේ ෆ්රන්සිස් I රජු හා ශුද්ධ රෝම අධිරාජ ස්පාඤ්ඤයේ චාල්ස් V අතර වූ යුද්ධ නිසා වියවුල් තත්වයේ පැවති සැවොයි ප්රදේශය සෙමෙහි පිහිටුවීම එමැනුවෙල් ආදිපාදයා වෙත පැවරිණ. 1559 දී කටෝ-කාංබ්රෙසි (Cateau - Cambresis) ගිවිසුමෙන් ඈපා පෙදෙස යළි ප්රතිෂ්ඨාපිත විය. 1562 දී එතෙක් ප්රංස සේනා නැවතී සිටි ට්යුරින් වැනි පෙදෙස් මුදාගත් මොහු 1575 දී අස්ති හා සන්තියා පෙදෙස්වලින් ස්පාඤ්ඤ හමුදා ද ඉවත් කොට ගැන්මෙහි සමත් විය.
ඉතාලි භාෂාව සැවොයිහි රාජ්ය භාෂාව බවට පත් කළ මෙම ආදිපාදයා යටතේ එපෙදෙස යුද්ධ, පරිපාලන, මූල්ය හා පාලන කටයුතු මැනවින් සංවිධානය විය. පසු කලෙක ඉතාලි නිදහස් ව්යාපාරයේ නායකත්වය ගත් සැවොයි රාජ්යය නූතන රටක් වශයෙන් හැඩගැසුණේ මොහුගේ පාලන සමයේ දීය.
(සංස්කරණය: 1974)
