ඇම්මයින
(Ammines). ලෝහ අයන (ions) සමඟ ඇමෝනියා අණු සංගත වීමෙන් සෑදෙන සංකීර්ණ සංයෝග සමූහයට ඇම්මයින යන නම ව්යවහාර වේ. මේ හැර කැල්සියම්, බේරියම් හා ස්ට්රොන්ටියම් වැනි ලෝහ පරමාණු සමග ඇමෝනියා අණු සංගත වීමෙන් සෑදෙන ඇම්මයින කීපයක් ද ඇත. [Co (NH3)6] Cl3, [Cu (NH3)4] Cl2 හා [Cr (NH3)6]Cl3 යනු ඇම්මයින තුනක රසායන සූත්රයෝය. ඇම්මයින සාදාගනු ලබන්නේ ලෝහ ලවණයේ ජලීය ද්රාවණයක් ඇමෝනියා සමඟ ප්රතික්රියා කරවීමෙනි. ඇතැම් අවස්ථාවල දී නිර්ජලීය ලවණයක් කෙරෙහි වියළි ඇමෝනියා වායුව හෝ ද්රව ඇමෝනියා හෝ ක්රියා කරවීමෙන් ද ඇම්මයින සාදාගනු ලැබේ.
ඇම්මයින බොහෝ ලවණ සජලයන්ට (hydrates) සමාකාර (analogous) වුවත් ඇම්මයිනවල සාමාන්ය ලක්ෂණ සජලයන්ගේ සාමාන්ය ලක්ෂණවලට වඩා බෙහෙවින් වෙනස්ය. අන්තරික ලෝහවල (intermediate metals) ඇම්මයින හා සින්ක් කුලයේ ඇම්මයින ප්රධාන වශයෙන් සැලකිය යුතු ඇම්මයින වර්ගයෝය. කෘත්රිම සේද වර්ගයක් නිෂ්පාදනය කිරීමේ දී සෙලියුලෝස්වල ද්රාවකයක් වශයෙන් යොදනු ලබන ෂ්වයිට්සර් ප්රතිකාරකයේ අවශ්ය සංඝටකය කොපර් සල්පේට්වලින් සාදන ඇම්මයිනයයි.
(සංස්කරණය: 1967)
