ඔරාඩියා
බටහිර රුමේනියාවේ ක්රිශානා පරිපාලක ප්රදේශයේ අගනුවරයි. එය වැදගත් දුම්රිය, කාර්මික හා වෙළඳ මධ්යස්ථානයක් ද වේ. ඉතා පැරණි නගරයක් වූ මෙය තෙළෙස් වැනි සියවසේ දී ටාටර්වරුන් විසින් විනාශ කරන ලදි. 1660 සිට 1692 දක්වා කාලය තුළ තුර්කි ජාතිකයන් යටතට පත්ව තිබිණ. ප්රථම ලෝක සංග්රාමයේ අවසානයේ දී නැවතත් රුමේනියාවට පවරනු ලැබීය.
මෙ නුවර හංගේරියානු පහත් භූමි ප්රදේශයේ හා ට්රාන්සිල්වේනියාවේ නිෂ්පාදනය කරනු ලබන වයින්, පලතුරු, ධාන්ය, ලෝම ආදි ද්රව්ය නැව් මගින් පිටරට පටවන මධ්යස්ථානයයි. මෙහි කුඹල් කර්මාන්තය ද මද්ය වර්ග පෙරීම ද බෙහෙවින් කෙරේ. කෘෂිකාර්මික යන්ත්ර ද නිපදවනු ලැබේ.
ඔරාඩියා නගරයෙහි ප්රධාන ගොඩනැඟිලි අතර පුරාවිද්යාත්මක හා ඓතිහාසික කෞතුකාගාරය ද ආගමික නිකායයන් සතකට අයත් පුරාණ දේවස්ථාන කීපයක් ද ඇත. මේ නගරයේ ජනගහනය 1966 දී 122,509ක් විය.
(සංස්කරණය: 1974)
