ඒකාංස පිරිමඬුලු පෙරවීම
බෞද්ධ භික්ෂූන් සිවුර ඒකාංස කොට පෙරවීම සම්බන්ධයෙන් 19 වන සියවස අග භාගයෙහි නැඟුණු පැනයකට පිළිතුරු ලෙසින් ශ්රී ලඞ්කෝදය පත්රයෙහි පළ වූ ලියුම් පෙළක් එලෙසින් ම දැක්වීම් වශයෙන් සපයා ඇති පොතකි. 1897 දී ඒකාංස පාරුපනය වරදයි කියා පාරුපනය ගැන සත්යෝදය සඟරාවෙහි පළ වූ ලිපියකට පිළිතුරු ලිපියක් යූ. රතනපාල නමින් ඒ සඟරාවෙහි ම පළවිය. ඉන්පසු ලක්රිවිකිරණ පතින් හා විශේෂයෙන් ලක්මිණි පහන පතින් ‘ඇතුළුගම’ ඒකාංස පාරුපනයෙන් වැඩම කිරීම බුද්ධ නියමයට විරුද්ධ යයි පැවසෙන ලිපිත් ශ්රී ලංකෝදය පතින් ඒකාංස පාරුපනය හැර අන්ය පාරුපනයක් ශාසනයෙහි නැතැයි යන රතනපාල හිමියන්ගේ පිළිතුරු ලිපිත් පළවන්නට වන. පාරුපනවාදය නමින් ඇවිළ ගිය ඒ වාදයෙහි ලා රතනපාල හිමියන් පළ කළ ලියුම් මේ ඒකාංශ පිරිමඬුලු පෙරවීම නම් පොතෙහි ඇතුළත්ය. මධ්යම සඟරා ප්රමාණයේ පිටු 100කින් යුත් එය 1899 දී පළ විය.
භික්ෂූන්ගේ සිවුර පෙරවීම (පාරුපනය) පිළිබඳ ආගමික වූත් ඓතිහාසික වූත් තොරතුරු සමාලෝචනය කිරීම සඳහා ‘ඒකාංශ පිරිමඬුලු පෙරවීම’ ඉතා ප්රයෝජන වූවකි. (පාරුපන වාදය බ.)
(සංස්කරණය: 1974)
