අටකාමා

චිලි සමූහාණ්ඩු රාජ්‍යයේ උතුරු භාගයෙහි පිහිටි පළාතකි. මෙහි ප්‍රමාණය වර්ග සැතැපුම් 30,000ක් පමණ වෙයි. පැසිfපික් වෙරළේ සිට ආජන්ටිනා දේශසීමාව දක්වා විහිදෙන මෙය උතුරින් ඇන්ටොෆැගස්ටා පළාතින් ද, දකුණින් කොකිම්බෝ පළාතින් ද සීමා වී තිබේ. අටකාමා පළාතෙන් ඉතා වැඩි කොටසක් අටකාමා කාන්තාරයට අයත් ය. මෙහි වැසි‍යන්ගෙන් වැඩිදෙනා තඹ, රන්, ගෙන්දගම්, බේරැක්ස්, සෝඩියම් නයිට්රේට් ආදි ඛනිජ වර්ග කැණීමෙහි යෙදී සිටිති. (1958) 99,446 ජනගහනයකින් යුත් වූ මෙහි ප්‍රධාන නගරය කෝපියාපෝ ගඟබඩ පිහිටි අටකාමා ප්‍රදේශය සම්පූර්ණයෙන් ම චිලි සමූහාණ්ඩුවට අයත් වූයේ 1879 සිට 1883 දක්වා පැවති පැසිfපික් යුද්ධයෙන් පසුය.

(සංස්කරණය:1963)