අපහරණ
සිංහල විශ්වකෝෂය වෙතින්
10:51, 26 ජූනි 2023 වන විට Senasinghe (කතාබහ | දායකත්ව) ('යමකු උපදින විට උදාව පැවති නැකතින් ගතවූ පැය වින...' යොදමින් නව පිටුවක් තනන ලදි) විසින් සිදු කර ඇති සංශෝධන
යමකු උපදින විට උදාව පැවති නැකතින් ගතවූ පැය විනාඩි සංඛ්‍යාවට වැටෙන දශා ප්‍රමාණය සම්පූර්ණ දශා වර්ෂ ගණනින් ඉවත් කිරීමට (අඩු කිරීමට) අපහරණ හෙවත් දශාපහරණයයි ව්‍යවහාර කරති. විංශෝත්තරී (නක්ෂත්‍ර මහ) දශාපහරණයේ දී උදාවී පැවති නැකතින් උපදින විට ගතවූ පැය විනාඩි ගණන විනාඩිවලට පමුණුවා දශා වර්ෂ ගණනින් ගුණකර සම්පූර්ණ නැකතට අයිති විනාඩි සංඛ්‍යාවෙන් බෙදා ලැබෙන වර්ෂ, මාස, දින ප්‍රමාණය අපහරණය නම් වේ. මේ වර්ෂ මාස දින ගණන මුළු දශා වර්ෂ ප්‍රමාණයෙන් අඩු කළ විට ලැබෙන්නේ ඒ නැකත හිමි ග්‍රහයාගේ දශාවෙන් ඉදිරියට ඇති ප්‍රමාණයයි. කාලචක්‍ර දශාදි ඇතැම් දශාවල අපහරණ හැරීම මීට වෙනස්ය. දශා ශේෂය හෙවත් යම්කිසි ග්‍රහයකුගේ දශාවෙන් ඉදිරියට තිබෙන ප්‍රමාණය දැනගැනීම මෙහි ප්‍රයෝජනයි.
(සංස්කරණය:1963)
