අම්බසණ්ඩා
සිංහල විශ්වකෝෂය වෙතින්
15:43, 6 ජූලි 2023 වන විට Senasinghe (කතාබහ | දායකත්ව) ('මගධ දේශයෙහි රාජගහ නුවරට නැගෙනහිරින් පිහිටියේ...' යොදමින් නව පිටුවක් තනන ලදි) විසින් සිදු කර ඇති සංශෝධන
මගධ දේශයෙහි රාජගහ නුවරට නැගෙනහිරින් පිහිටියේ යයි බෞද්ධ සාහිත්‍යයෙහි සඳහන් වන බමුණු ගමෙකි. නුදුරුව අඹ උයන් රාශියක් තිබුණ බැවින් මීට අම්බසණ්ඩා යන නම ඇතිවිය. මෙකී ග්‍රාමයට උතුරු දිග වේදියක පර්වතයෙහි ඉන්දසාල ගුහාව විය. බුදුරජාණන්වහන්සේ සක්කපඤ්භ සූත්‍රය දේශනා කෙළේ එහි දීය. රජගහ (රාජ්ගිර්) නුවරට සැතපුම් හයක් දුරින් පිහිටි ගිරියෙක් නමැති පව්ව වේදියක පර්වතය වශයෙන් පුරාවිද්‍යාඥයන් හඳුන්වන බැවින් අම්බසණ්ඩා ගම ඊට දකුණු දිග භූමි ප්‍රදේශය විය හැක.
(සංස්කරණය:1963)
