ඇංගල්බෙක්, යොහාන් ගෙරාඩ් වැන්

(1734–1799). ලංකාවේ සිටි අවසාන ලන්දේසි ආණ්ඩුකාරවරයායි (1794–1796). ලංකාවේ ලන්දේසීන්ට අයත්ව තිබුණු මුහුදුබඩ පෙදෙස් ඉංග්‍රීසීන් යටතට පත්වූයේ මොහුගේ පාලන සමයේ දීය. 1751 දී ඕලන්ද පෙරදිග ඉන්දියානු සමාගමට බැඳී පෙරදිගට පැමිණි මොහු ලංකාවේ ආණ්ඩුකාර තනතුරට පත්වන්නට කලින් සමාගමේ උසස් පදවි කිහිපයක් දැරීය.

1796 දී ලංකාවේ මුහුදු බඩ පෙදෙස් ඉංග්‍රීසින් සතු වූයෙන් මොහුගේ පාලන සමය ද අවසන් වූයේය. ඉන් පසු කොළඹ ම පදිංචිව සිටි මොහුගේ මරණය සිදු වූයේ 1799 දීය. ලංකාවේ ලන්දේසීන් සතු ප්‍රදේශ ඉංග්‍රීසින්ට පාවා දුන්නේ යයි හෙතෙම තම වර්ගයාගෙන් චෝදනා ලැබීය.

(සංස්කරණය:1967)