ඇක්ටන්
(ජෝන් එම රිච් එඩ්වර්ඩ් ඩැල්බ'ග් ඇක්ටන්) 1834-1902. ඉංග්‍රීසි ජාතික ඉතිහාසඥයෙකි. උත්පත්තියෙන් රෝමානු කතෝලිකයකු වූ මොහු අදහස් අතින් ලිබරල්වාදියෙක් විය.
1859 දී කාර්ලෝ ප්‍රදේශයේ මන්ත්‍රීවරයා වශයෙන් නියෝජිත මන්ත්‍රී මණ්ඩලයට ඇතුළුවුණු හෙතෙම ලිබරල් පක්ෂයේ නායකයා වූ ග්ලැඩ්ර්ඩ්ස්ටන් සමඟ ළඟින් ආශ්‍රය කළේය. ඔහු 1869 දී සාමි පදවියකට පත් කරන ලදි. 1895 දී හෙතෙම කේම්බ්‍රිජ් විශ්ව විද්‍යාලයේ නූතන ඉතිහාසය පිළිබඳ මහාචාර්යයවරයා වශයෙන් පත් කරන ලදි. මේ පදවිය ඉසුලූ වර්ෂ හය තුළ දී ඓතිහාසික පර්යේෂණයන් පිළිබඳව මෙතුමා අතින් විශාල සේවයක් සිදු විය. "කේම්බ්‍රිජ් නූතන ඉතිහාසය" (Cambridge Modern History) ලිවීම ආරම්භ කරන ලද්දේ මෙතුමාගේ මග පෙන්වීම අනුවය. මෙය සම්පූර්ණ වනු දැකීමට එතුමා ජීවත් නොවීය. 1896 දී "ත්‍රිත්ව විද්‍යාලයීය ඓතිහාසික සමිතිය" (Trinity Historical Society) නමැති සමිතිය ආරම්භ කිරිමෙහි පුරෝගාමීව ක්‍රියා කළ මෙතුමා එහි ප්‍රථම සභාපති ද විය. කේම්බ්‍රිජ් විශ්වවිද්‍යාලයෙහි දී මොහු විසින් කරන ලද දේශන ඇතුළත් කොට පළ කරවන ලද වැදගත් ඉතිහාස ග්‍රන්ථ කීපයකි.
(සංස්කරණය:1967)
