සරස්වතී යෝගය
හිරු කන්‍යාවට ගිය බදාදා බුධ ග්‍රහයා අත්‍යුච්ච ච සිටි කල්හි හිරු උදා වේලෙහි යෝගය 'සහස්වතී යෝගය' යැයි කියනු ලැබේ.
"රවෞ කන්‍යාංගතෙ බුධෙවාරෙ බුධ අත්‍යුච්ච සංස්ථිතෙ යෝගං සාරස්වතං" (යොගාභරණ)
"නැග රව් බුධ කන්යාවෙහි සිටි සඳ
තුඟ අතිබාගේ වූ කල ඒ බුද
පුද දින බුද හෝරා කන්නෑමෙ ද
ලඳ සරසවි යෝගෙකි එක් මන නඳ" (මුහුර්ත චින්තාමණි)
ග්‍රහයන් අතර බුද්ධිමතා වශයෙන් සම්භාවිත බුධ ග්‍රහයා තම උච්ච භවනය වූ කන්‍යා රාශියෙහි සිටි කල්හි මෙම යෝගය උදාවේ. මෙම යෝගයෙන් උපන් තැනැත්තා අධ්‍යාපනික වශයෙන් උසස් මට්ටමකට පත් වන බව සඳහන් වේ. සරස්වතී යෝගය අධ්‍යාපනික කටයුතුවල දී සුභ මොහොතක් වශයෙන් භාවිත කෙරේ.
ගුරු(බ්‍රහස්පති), ශුක්‍ර(සිකුරු) හා බුධ ග්‍රහයන් තිදෙනා ලග්නය, දෙක, හතර, පහ, හත, නවය හා දහය යන ස්ථානයක එක්ව, වෙන වෙන ම හෝ දෙදෙනා බැගින් යෝග ව සිටිය යුතු අතර ගුරු ග්‍රහයා උච්ච හෝ ස්වක්‍ෂෙත්‍ර ව සිටිය යුතු ය.
මෙම යෝගයෙන් උපන් තැනැත්තා තුළ සහජයෙන් ම කලා හැකියාවන් පිහිටයි. සියලු ශාස්ත්‍රවලින් නිපුණතාවක් දක්වයි. අංශ කිහිපයකින් ම කුසලතා දක්වයි. සිතුවිලි සොදුරු ය. සැමගේ ප්‍රශංසාවට ලක්වේ.
ගුරු ග්‍රහයා කටක රාශියට උච්ච වන අතර ධනු මින රාශිවල ස්වක්‍ෂෙත්‍රවේ.
(කර්තෘ: හපුගොඩ සුමනතිස්ස ස්ථවිර: 1966)
(සංස්කරණය නොකළ)
