සරස්වතී යෝග
විද්‍යාරම්භය හෙවත් ප්‍රථමවරට අකුරු කියවීම සඳහා ශුභ යයි සම්මත වූ දින නැකැත්, ලග්න, ග්‍රහ, හෝරා ආදිය එක් වීමෙන් උදාවන යෝග විශේෂයකි. කන්‍යා රාශියෙහි හිරු සිටි බුද දිනක බුධ ග්‍රහයා අනුව අංශකයක සිටින කල බුධ හෝරාව හා කන්‍යා ලග්නය ද උදා වූයේ එක් සරස්වතී යෝගයකි. යම් ග්‍රහයෙක් ස්වකීය රාශියෙහි හෝ උච්චයෙහි උදා වූ කල ස්වකීය දිනය සහ හෝරාවෙන් යුක්ත වූ කල ද බුධ දිනක හත නැකතේ බුධ හිමි අංශකයක රවි, සඳු, බුධ යන තිදෙනා සිට කන්‍යා ලග්නය උදා වූ කල ද, රවි, බුධ, සඳු යන දිනාධිපතියන් අතුරෙන් කිසිවෙක් තමාට අයිති දිනයෙහි බුධ හිමි අංශකයක සිටිවිට හත නැකත උදාව පැවති විට ද බුධ ග්‍රහයා වෘෂභ රාශියේ වෘෂභ නවාංශකයේත් කිව් මීනයෙහි මීනාංශකයේත් හිරු අනුව අංශකයේත් සිටි කලද සරස්වතී යෝග යෙදේ. මේ යෝගවලින් විද්‍යාරම්භය කළ කල ඉගෙනීම සර්ව ප්‍රකාරයෙන් ම සඵල වන බව කියැවේ.
(කර්තෘ: ඩී.ආර්. සෙනෙවිරත්න: 1956)
(සංස්කරණය නොකළ)
