සීසාල් හණ

(Sisal Flax). මෙක්සිකෝවේ සහ බහාමාස්හි වගා කෙරෙන හණ පැළෑටි වර්ගයකි. සීසාල් ශාකයේ කොළවලින් ලබා ගන්නා කෙඳි ශක්තිමත් සහ කල් පවතින ඒවා වන අතර, ඒවා විවිධ යෙදුම් සඳහා සුදුසු වේ. මෙක්සිකෝවේ, විශේෂයෙන් ම යුකැටන් අර්ධද්වීපය සීසාල් වගාව සඳහා ඓතිහාසික වශයෙන් වැදගත් වේ. තන්තු බහුල ව භාවිත වන්නේ ලණු, නූල් සහ පැදුරු වැනි නිෂ්පාදන කෙරේ. මේ පැළෑටිය නැගෙනහිර අප්‍රිකාවේ ටැන්ගා වියළි තැනිතලාවන්හි වගාවට යෝග්‍ය විය හැකි බව සිතා එහි විසූ කෘෂි කාර්මිකයෙක් වූ ආචාර්ය හිත්ඩොප් නම් ජර්මන් ජාතිකයා ඉන් පැළෑටි දහසක් ඇණවුම් කළේ ය. එහෙත් ඉතා දුර බැහැරක සිට ඒවා ගෙන ඒමේ දී බොහෝ විනාශ වී ගොස් ඉතිරි වූයේ හැට දෙකක් පමණි. එම පැළ හැට දෙකෙන් ටැන්සානියාවේ පමණක් නොව කෙන්යාවේ ද සීසාල් හණ වගාව ඇති කර රටේ හොඳ ආදායම් මාර්ගයක් දියුණු කරන ලදි. මේ ප්‍රයෝජනවත් කටයුත්ත සාර්ථක කරලීමේ උත්සාහ ගත් ඉහත ආචාර්ය හිත්ඩෝප්ට මඟ පෑදුණේ එංගලන්තයේ කිවි පෙදෙසේ පිහිටුවා ඇති උද්භිද උද්‍යානය මගින් මීට සියවසකට පමණ පෙර නිකුත් කරන ලද සංග්‍රහයක් ඔහු කියවා බැලූ නිසා ය.

(කර්තෘ: හපුගොඩ සුමනතිස්ස ස්ථවිර: 1966)

(සංස්කරණය නොකළ)