ඩුලෝන් සහ පෙටී නියමය
(Dulong And Petti’s Law). බෝහෝ මූලද්‍රව්‍යවල විශිෂ්ට තාප ධාරිතාව එහි පරමාණුක බරෙන් ගුණ කළ විට නියත ගණනක් ලැබේ ය යන සමීකරණය ඩුලෝන් සහ පෙටීගේ නියමය ලෙස හැඳින්වේ. මෙම නියම පී. ඩුලෝන් සහ ඒ පෙටී විසින් 1919 දී අනාවරණය කරන ලද්දකි. විශිෂ්ට තාප ධාරිතාව (Specific heat capacity) යනු යම් ද්‍රව්‍යයක තාපය එක අංශයකින් ඉහළ නැංවීමට අවශ්‍ය තාප ප්‍රමාණය වේ. මෙය C’ GS ඒකකවලින් මනින කළ යම් ද්‍රව්‍යයක උෂ්ණත්වය එක ශතාංශයකින් ඉහළ නැංවීමට අවශ්‍ය තාප කැලරි ප්‍රමාණය ලෙස සලකනු ලැබේ.
පී. ඩුලෝන් සහ ඒ. පෙටී විසින් වර්ෂ 1919 දී සොයා ගන්නා ලද මෙම නියමය අනුව විශිෂ්ට තාප ධාරිතාවෙත් මූල ද්‍රව්‍යයක පරමාණුක භාරයේ ගුණිතය පරමාණුක තාපය ලෙස (Atomic Heat) හැඳින්වේ. සාමාන්‍යයෙන් පරමාණුක තාපයේ අගය 6 ක් වේ. මෙහි සරල තේරුම මූල ද්‍රවයක පරමාණුක තාපය සෙල්සියස් එක අංශකයකින් ඉහළ නැංවීමට කැලරි 06 ක් ආසන්න ප්‍රමාණයක් අවශ්‍ය බව ය. මෙම නියමය සොයා ගත් 1919 දී තරම් කාලයක් ආවර්තිතා චක්‍රය ගොඩනැගෙමින් පැවතුණු අවධියයි. එහි බොහෝ හිස්තැන් තිබිණ. ඩුලෝන් පෙට්ගේ නියමය පරිදි යම් මූලද්‍රව්‍යක පරමාණුක භාරය සොයා ගැනීමට කළ යුත්තේ එම මූල ද්‍රව්‍යයේ විශිෂ්ට තාපය සොයා එම ගණනින් 6 බෙදීම පමණි. මේ ක්‍රමයෙන් හිස් ඇති තැන්වල මූල ද්‍රව්‍යවල පරමාණු භාරය සොයා ගැනීමට හැකි විය.
(කර්තෘ: උපාලි සේනානායක: 2004)
(සංස්කරණය නොකළ)
