ඩියු

(Diu Island). අරාබි මුහුදේ,කැම්බේ බොක්කේ පිහිටා ඇති ව.සැ. 15 (ව.කි.මී. 38)ක පමණ භූමි ප්‍රමාණයෙන් යුත් දූපතක් සහ නගරයක් මෙනමින් හැඳින්වේ. උතුරු අක්ෂාංශ 20°42′57″ නැගෙනහිර 70°59′09 අතර එය පිහිටා ඇත. මෙය ඉන්දියාවේ කතියාවර් අර්ධද්වීපයේ දකුණු කෙළවරයෙහි පිහිටියේ ය. ගම්මාන පහකින් සමන්විත වන මෙම දූපත එහි පිහිටා ඇති සෙන්ට් මැට්රිස් දේවස්ථානය නිසාත් සුන්දර පිහිටීම නිසාත් සංචාරකයන් අතර ප්‍රසිද්ධියට පත් ව තිබේ. 2011 දී මෙහි ජනගහනය 52076ක් පමණ විය.

පෘතිගීසිහු 1534 දී ඩියු දිවයින සිය පාලනයට නතු කරගත්හ. ගුජරාට්හි බහදූර් ෂා සමඟ ඇති කරගත් ගිවිසුමක් අනුව 1535 දී මෙහි බලකොටුවක් ගොඩනංවන ලදී. එහෙත් 1538 දී හා 1545 දී ආක්‍රමණයන්ට මුහුණදීමට ඔවුන්ට සිදු විය. 1545 දී සිදු කරන ලද ආක්‍රමණය ඉන්දියවේ පෘතුගීසි යටත් විජිතයක් වශයෙන් පැවතුණේ ය. ඉන්දියාව මේ ප්‍රදේශයේ පාලනය යළි ලබා ගත්තේ මහත් සටනකින් අනතුරුව ය. යුද්ධයෙන් මියගිය අය සැමරීම සඳහා මෙහි ස්මාරකයක් ද ඉදි කර තිබේ.

නගරය වටා ඉදි කෙරුණු ප්‍රාකාරයක් හා පැරණි ගොඩනැගිලි කීපයක් අදත් දැකිය හැක. මෙහි ප්‍රධාන කෘෂිකාර්මික භෝග වනුයේ බජිරි හා පොල් ය. ධීවර කර්මාන්තය, ලුනු නිෂ්පාදනය හා රා මැදීම ප්‍රධාන කර්මාන්ත වේ. මෙහි නිල වේබ් අඩවිය http://diu.gov.in නමි.

(කර්තෘ: දේවිකා ප්‍රියදර්ශනී එදිරිවීර)

(සංස්කරණය නොකළ)