හෙන්ඩ්රික් වර්වුඩ්
(Hendrik Verwoerd) (1901.09.08-1966.09.06). දකුණු අප්‍රිකාවේ හයවැනි අග්‍රාමාත්‍යවරයා (1958 සිට1966 දක්වා) වශයෙන් කටයුතු කළ මොහු ප්‍රකට දේශපාලනඥයකු, විශාරදයකු මෙන් ම පුවත්පත් කතුවරයකු වශයෙන් ප්‍රචලිත ය. වර්වුඩ් කළු මිනිසුන් කෙරෙහි බලවත් පිළිකුළක් පෙන්වා ඔවුන් මැඩළිම කළේ ය. ඔහුගේ මේ අදහසට මුළු ලෝකය ම විරෝධය පළ කළ නමුත් ඔහු තම මතය අත් නොහළේ ය.
නෙදර්ලන්තයේ අම්ස්ටර්ඩෑම්හි දී උපත ලද වර්වුඩ් (Amsterdam, Netherlands) 1950 සිට 1958 දක්වා දකුණු අප්‍රිකාවේ වාර්ගික කටයුතු පිළිබඳ අමාත්‍ය පදවිය දැරී ය. තව ද දකුණු අප්‍රිකාව (1960) සමූහාණ්ඩුවක් කළ මොහු එම සමූහාණ්ඩුවේ පළමුවැනි අගමැති වීමේ ගෞරවය දිනා ගත්තේ ය. ඔහු නිර්භීත ප්‍රතිපත්තිගරුක රළු පරළු පාලකයෙකි. එච්. රිපෝර්ච් කතෝලිකයෙකි. 1966 මාර්තුවේ පැවැත් වූ මැතිවරණයෙන් ඔහුගේ පක්ෂය ජය ගත්තේ ය. 1966 සැප්තැම්බර් 6වැනි දින කැබිනට් රැස්වීමක දී පණිවිඩකරුවෙකුගේ වෙස් ගෙන පැමිණි සුදු ජාතිකයෙකු විසින් පිහියකින් බෙල්ලට අනිනු ලැබ 64 වියෙහි දී වර්වුඩ් දකුණු අප්‍රිකාවේ කේප් ටයුන්හි දී මිය ගියේ ය. ඔහු මිය ගියේ අගමැති පදවිය දරමින් සිටිය දී ම ය. ඔහුගේ කළු විරෝධී ව්‍යාපාරය හඳුන්වනු ලැබූයේ ‘ඇපාතෝඩ්’ නමිනි. වර්වුඩ්ගේ සිරුර Heroes' Acre, Pretoria හි මිහිදන් කෙරිණ.
(කර්තෘ: හපුගොඩ සුමනතිස්ස ස්ථවිර: 1966)
(සංස්කරණය නොකළ)
