ජෝෂප් කැසිමිර් හෝෆ්මාන්
(Józef Kazimierz Hofmann) (1876.01.20 – 1957.02.16). සුප්‍රකට පියානෝ වාදකයෙකු වන මොහු දක්ෂ සංගීත නිර්මාණකරුවෙකු මෙන් ම ගුරුවරයකු වශයෙන් ද කීර්ති නාමයට භාජන වී සිටි පෝලන්ත-ඇමරිකානු ජාතිකයෙකි.
පෝලන්තයේ ක්‍රකෝහි (Kraków/Cracow) දී ජන්ම ලාභය ලැබූ ජෝෂප් කැසිමීර් හෝෆ්මාන් ගෙනයක් පැවැත්වූයේ සාවිරිදි වියේ දී ය. මේ හේතු කොටගෙන ඔහුට යුරෝපයේ නොයෙක් ප්‍රදේශවල විවිධ ප්‍රසංග රාශියක් පැවැත්වීමට ආරාධනා ලැබුණු නමුත් වයස අවුරුදු නමය වනතුරු එයට ඔහුගේ පියාගෙන් අවසර නොලැබිණ.
සත් හැවිරිදි වියේ දී රූබිනිසිටීන් ගේ ශිෂ්‍යයෙකු වූ හෝෆ්මාන් නව හැවිරිදි වියේ දී යුරෝපයේ සංචාරයකොට එකොළොස් හැවිරිදි වියේ දී ඇමෙරිකාවේ සංචාරයක යෙදුණේ ය. එහි දී ඔහු මාස දෙකහමාරක් ඇතුළත විවිධ ප්‍රසංග 52 කට සහභාගි විය. තව ද විවිධ ප්‍රසංග 40ක් පමණ නොපවත්වා ආපසු යන්නට සිදු වූයේ බාල නිසා වාරක සමිතියේ බලපෑම නිසා ය.
යළිත් යුරෝපයට ගිය හෝෆ්මාන් ඉගෙනීමට පටන් ගත්තේ, සොළොස් හැවිරිදි වියේ දී ඇන්ටන් රුමින්ස්ටීන්ගේ එක ම පෞද්ගලික ශිෂ්‍යයා බවට පැමිණියේ ය. 1894 පටන් ප්‍රසිද්ධ පියානෝ වාදන පැවැත්වීමට පටන් ගත්තේ ය. 1898 දී ඇමරිකාවේ පුරවැසියෙකු වූ හෝෆ්මාන් 1924 දී ෆිලඩෙල්ෆියාවේ කර්ටිස් (Curtis) සංගීතායතනයෙහි පියානෝ දෙපාර්තමේන්තුවේ ප්‍රධානියා වශයෙන් පත්විය. 1927 සිට 1938 දක්වා ඔහු එම සංගීත ආයතනයෙහි අධ්‍යක්ෂක සහ පීඨාධිපති වශයෙන් සේවය කළේ ය. ස්වර සංවාද (Symphony) සහ සංගීත නිබන්ධ රාශියක් රචනා කළ ඔහු වාද්‍ය වෘන්දයට ගැළපෙන පරිදි පියාගේ සංගීතය සකස් කළේ ය. ඔහු විසින් පියාගේ වාදනය (Piano Playing) (1898) සහ පියානෝ ප්‍රශ්න (Piano Questions) (1900) යන පොත් දෙකක් ද ලියන ලදි.
(කර්තෘ: විමල් අබේසුන්දර)
(සංස්කරණය නොකළ)
