හොරාපොලිස් ඇල්ලීම

උසාවියේ නඩු ඇසීමේ ක්‍රමය අනුකරණය කෙරෙන ආකාරයෙන් සකස් වී ඇති ළමා ක්‍රීඩාවකි.

ක්‍රීඩාව ආරම්භ කිරීමට පෙර ක්‍රීඩකයෝ හොරුන්, පොලිස් නිලධාරීන්, මුලාදෑනියා, නඩුකාරයා වශයෙන් බෙදෙති. ක්‍රීඩාව ඇරඹෙන්නේ හොරුන් ගෙයක් බිඳීම් වශයෙනි. ගෙහිමියා ඒ බව මුලාදෑනියාට පැමිණිලි කරයි. එවිට හොරුන් ඇල්ලීම සඳහා පොලිස් භටයෝ පැමිණෙති. පොලිස් භටයන් දකින විට සොරුන් පැන යන බැවින් ඔවුන් අල්වා ගැනීම ඉතා මහන්සියෙන් කළ යුත්තකි. සොරුන් අල්ලා ගත් පසු ඔවුන් උසාවියට ඉදිරිපත් කරනු ලැබේ. එවිට නඩුකාරයා නඩු අසා සොරුන්ට දඩුවම් නියම කරයි. දඩුවම නම් දඟගෙයි දැමීම හෝ ඇඹරූ ලේන්සුවකින් තැලීමයි. ඉන් ක්‍රීඩාව අවසන් වේ.

(කර්තෘ: ඩී.පී. ද සිල්වා: 1975)

(සංස්කරණය නොකළ)