දේහාදර්‍ශය
සූශ්‍රැතා දී වෛද්‍ය ග්‍රන්ථවලින් කරුණු උපුටා ගෙන ඇම්.ඇස්.පී. මලලසෙඛර සෙනෙවිරත්න වෙද ආරච්චි මහතා විසින් සඞග්‍රහ කරන ලද ග්‍රන්ථයකි. එය පරිච්ඡේද එකොළසකට බෙදා තිබේ. පළමු වන පරිච්ඡේදයෙන් පඤ්ච මහා භූතයන් හා ඒවායේ ගුණ හා තන්මාත්‍රාදිය ගැන ද දෙවන පරිච්චේදයෙන් ශුක්‍ර ධාතුව හා ඍතුලේ පිළිබඳව ද තුන් වන පරිච්ඡේදයෙන් ගභතෙපත්තිය, ගර්භාශය හා දරුවකුගේ ප්‍රතිසන්ධියේ පටන් ප්‍රසූතිය දක්වා ඇති වන විවිධ ගති පැවතුම් ආදිය ගැන ද සිව් වන පරිච්ඡේදයෙන් සිවි, කලා, ආශ, ධාතු, ඇට සැකිළි ආදිය පිළිබඳව ද සවන පරිච්ඡේදයෙන් කණ්ඩරා, ධමනි, ස්නායු ආදිය ගැන ද සත් වන පරිච්ඡේදයෙන් මාංස පේශී ගැන ද අට වන පරිච්ඡේදයෙන් සන්ධි විභාගය ද නව වන පරිච්ඡේදයෙන් අස්ථි විභාගය ද දස වන පරිච්ඡේදයෙන් චර්ම ස්ථාන විභාගය ද එකොලොස් වන පරිච්ඡේදයෙන් හෘදය වස්තුව, පෙනහැල්ල, රුධිර ධාවනය, ආහාර දිරවීම ආදිය ගැන ද විස්තර වේ. ශරීරස්ථ කුදු මහත් ඉන්ද්‍රියන් හා ඒවායේ ක්‍රියාකාරිත්වය පිළිබඳ කරුණු රැසක් මේ ග්‍රන්ථියෙන් හෙළි කර දෙයි. ක්‍රි.ව. 1903 දී මේ ග්‍රන්ථය මුද්‍රණයට පමුණුවා ඇත.
(කර්තෘ: ඩී.ආර්. සෙනෙවිරත්න)
(සංස්කරණය නොකළ)
